வேலைவாய்ப்பு விசா விதிகளை கடுமையாக்குகிறது நியூசிலாந்து!

New Zealand Tourist Visa

By Kathirpriya Apr 07, 2024 02:19 PM GMT

Kathirpriya

in உலகம்

Report

நியூசிலாந்து தனது நாட்டுக்கான வேலைவாய்ப்பு விசா திட்டத்தில் உடனடியாக மாற்றங்களைச் செய்து வருவதாகத் தெரிவித்துள்ளது.

அதன்படி, இன்று (07) வெளியிடப்பட்டுள்ள இந்த அறிவிப்பில் கடந்த ஆண்டு (2023) நியூசிலாந்துக்கு இடம்பெற்ற பதிவு செய்யப்பட்ட இடம்பெயர்வுகள் யாவும் "நிலையற்றது" என்றும் கூறியுள்ளது.

அதன்படி, நியூசிலாந்து வேலைவாய்ப்பு விசா திட்டத்தில் மேற்கொண்டுள்ள மாற்றங்களாக, குறைந்த திறமையான வேலைகளுக்கு ஆங்கில மொழித் தேவையை அறிமுகப்படுத்துதல் மற்றும் பெரும்பாலான முதலாளி வேலை விசாக்களுக்கு குறைந்தபட்ச திறன்கள் மற்றும் பணி அனுபவ வரம்பை அமைத்தல் போன்ற நடவடிக்கைகள் என்பவை காணப்படுகின்றன.

தங்கும் காலம்

மேலும் குறைந்த திறமையான வேலைவாய்ப்புகளுக்கு அதிகபட்ச தொடர்ச்சியான தங்கும் காலம் ஐந்து ஆண்டுகளில் இருந்து மூன்று ஆண்டுகளாக குறைக்கப்படவுள்ளது.

வேலைவாய்ப்பு விசா விதிகளை கடுமையாக்குகிறது நியூசிலாந்து! | New Zealand Tightens Visa Rules Record Migration

"திறன் பற்றாக்குறை உள்ள இடைநிலை ஆசிரியர்கள் போன்ற மிகவும் திறமையான புலம்பெயர்ந்தோரை ஈர்ப்பதிலும் தக்கவைப்பதிலும் அரசாங்கம் கவனம் செலுத்துகிறது" என்று குடிவரவு அமைச்சர் எரிகா ஸ்டான்போர்ட் ஒரு அறிக்கையில் தெரிவித்தார்.

"அதே நேரத்தில் திறன் பற்றாக்குறை இல்லாத வேலைகளுக்கு நியூசிலாந்தர்கள் முன்னணியில் இருப்பதை நாங்கள் உறுதி செய்ய வேண்டும்," என்றும் அவர் கூறினார்.

பாதியாகக் குறைக்கும்

கடந்த ஆண்டு, சுமார் 173,000 பேர் நியூசிலாந்திற்கு குடிபெயர்ந்துள்ளனர் என்று அந்த அறிக்கையில் தெரிவிக்கப்பட்டுள்ளது, சுமார் 5.1 மில்லியன் மக்கள்தொகை கொண்ட நியூசிலாந்து, கொரோனா தொற்றுநோய்களின் முடிவில் இருந்து அதன் புலம்பெயர்ந்தோரின் எண்ணிக்கையில் விரைவான வளர்ச்சியைக் கண்டுள்ளது. கடந்த ஆண்டு அது பணவீக்கத்தை உயர்த்துவதான கவலைகளை எழுப்பியுள்ளது.

இந்நிலையில் நியூசிலாந்தின் அண்டை நாடான அவுஸ்திரேலியா, புலம்பெயர்ந்தோரில் பெரிய முன்னேற்றத்தைக் கண்டுள்ளது, அடுத்த இரண்டு ஆண்டுகளில் அந்த நாட்டில் புலம்பெயர்ந்தோரை உள்ளெடுக்கும் எண்ணிக்கையை பாதியாகக் குறைக்கும் என்று கூறியுள்ளமை குறிப்பிடத்தக்கது.