மனைவியின் சிகிச்சைக்கு பணம் இல்லை : தவறான முடிவு எடுத்த தம்பதி

Sri Lanka Police Sri Lanka Economic Crisis Sri Lanka Sri Lanka Police Investigation

By Sathangani Feb 06, 2024 05:51 AM GMT

Sathangani

in சமூகம்

Report

சூரியவெவ காவல்துறை பிரிவிற்குட்பட்ட பகுதியில் மனையியின் சிகிச்சைக்கு செலவழிப்பதற்கு போதிய பண வசதி இல்லாத காரணத்தினால் தற்கொலைக்கு முயன்ற சம்பவம் ஒன்று இடம்பெற்றுள்ளது.

சூரியவெவ வெனிவெல்ஹார பிரதேசத்தில் வசிக்கும் 58 வயதுடைய கணவன் 54 வயதுடைய மனைவிக்கு விஷம் கொடுத்து விட்டு தானும் விஷம் அருந்தி உயிரை மாய்ப்பதற்கு முயன்றுள்ளனர்.

அதிக பணம் செலவிட வேண்டியமை

மனைவிக்கு முதுகுத்தண்டில் ஏற்பட்ட குறைபாடு காரணமாக நீண்ட காலமாக நோய் நிலைமையில் பாதிக்கப்பட்டுள்ளதாகவும், அவரது நோய்க்கு சிகிச்சையளிப்பதற்காக கணவனால் அதிக பணம் செலவிட வேண்டியுள்ளதாகவும் குறிப்பிடப்பட்டுள்ளது.

மனைவியின் சிகிச்சைக்கு பணம் இல்லை : தவறான முடிவு எடுத்த தம்பதி | No Money For Wife S Treatment A Wrong Decision

இந்நிலையில், தனது மனைவியின் வைத்திய செலவுக்கு போதிய பணம் இல்லாததால் சுதந்திர தினத்தன்று மாலை 4.30 மணியளவில் கணவன் மனைவிக்கு விஷம் கொடுத்து தானும் அருந்தி தற்கொலைக்கு முயன்றுள்ளார்.

காவல்துறையினர் விசாரணை

விஷம் அருந்தி விட்டு வீட்டில் ஆபத்தான நிலையில் இருந்த கணவன் மனைவியை அயலவர்கள் சிகிச்சைக்காக சூரியவெவ வைத்தியசாலையில் அனுமதித்த நிலையில், அவர்கள் மேலதிக சிகிச்சைக்காக ஹம்பாந்தோட்டை பொது வைத்தியசாலைக்கு மாற்றப்பட்டுள்ளனர்.

மேலும் குறித்த பெண் நீண்டகாலமாக நோயினால் அவதிப்பட்டு வந்ததாகவும், அதற்கான சிகிச்சையை பெற்றுக்கொள்ளும் பொருளாதார நிலை இல்லாத காரணத்தினால் தம்பதியினர் கடும் விரக்தியில் இருந்ததாகவும் பிரதேச மக்கள் தெரிவிக்கின்றனர்.

சம்பவம் தொடர்பில் சூரியவெவ காவல்துறையினர் மேலதிக விசாரணைகளை ஆரம்பித்துள்ளனர்.