அமெரிக்காவின் செயற்பாட்டுக்கு தக்க பதிலடி கொடுத்த வட கொரியா!

United States of America North Korea South Korea

By pavan Jan 19, 2024 07:29 AM GMT

pavan

in உலகம்

Report

அமெரிக்கா மற்றும் தென்கொரியா மேற்கொண்ட கூட்டு பயிற்சிக்கு பதிலடி கொடுக்கும் வகையில் வடகொரியா இன்று நீருக்கடியில் அணு ஆயுத சோதனைகளை மேற்கொண்டுள்ளது.

உலக நாடுகளின் எதிர்ப்பையும் மீறி வட கொரியா தொடர்ந்து ஏவுகணை சோதனை நடத்தி வருகிற நிலையில் அமெரிக்கா, தென் கொரியா, ஜப்பான் ஆகிய நாடுகள் இணைந்து அவ்வப்போது கூட்டு போர் பயிற்சியில் ஈடுபடுகின்றன.

இதற்கு பதிலடியாக வட கொரியாவும் தனது இராணுவ பலத்தை காட்டிவருகிறது.

கூட்டு பயிற்சி

இவ்வாறு மாறி மாறி இரு தரப்பும் தங்கள் வலிமையை காட்டுவதால் பதற்றம் நீடிக்கிறது. சமீபத்தில் அமெரிக்கா, தென் கொரியா, ஜப்பான் ஆகிய நாடுகளின் கடற்படையினர் ஜேஜு தீவு பகுதியில் கூட்டு பயிற்சியில் ஈடுபட்டனர்.

வடகொரியாவின் ஹைபர்சோனிக் ஏவுகணை சோதனைக்கு பதிலடி கொடுக்கும் வகையில் இந்த பயிற்சியில் ஈடுபட்டதாக அவர்கள் தெரிவித்தனர். இந்த பயிற்சியில் 3 நாடுகளையும் சேர்ந்த 9 போர்க்கப்பல்கள் ஈடுபடுத்தப்பட்டன.

அமெரிக்காவின் செயற்பாட்டுக்கு தக்க பதிலடி கொடுத்த வட கொரியா! | North Korea A Befitting To America S Action

அமெரிக்காவின் விமானந்தாங்கி கப்பலான யுஎஸ்எஸ் கார்ல் வின்சன் என்ற கப்பலும் இதில் அடங்கும். இந்த கூட்டு பயிற்சிக்கு பதிலடி கொடுக்கும் வகையில் வடகொரியா இன்று நீருக்கடியில் அணு ஆயுத அமைப்பை சோதனை செய்தது.

பதிலடி கொடுத்த வட கொரியா

இது தொடர்பாக வட கொரிய ராணுவ அமைச்சகம் வெளியிட்டுள்ள செய்தியில் "அமெரிக்கா, தென் கொரியா, ஜப்பான் இணைந்து நடத்திய பயிற்சிகள் வட கொரியாவின் பாதுகாப்புக்கு அச்சுறுத்தலை ஏற்படுத்துகின்றன.

எனவே பதிலடி கொடுக்கும் வகையில், கொரியாவின் கிழக்குக் கடல் பகுதியில் கட்டமைக்கப்பட்டு வரும் நீர்மூழ்கி அணு ஆயுத அமைப்பான 'ஹேயில்-5-23'-ன் முக்கியமான சோதனை நடத்தப்பட்டது" என தெரிவிக்கப்பட்டுள்ளது.

கொரிய மொழியில் ஹேயில் என்றால் சுனாமி என்று பொருள். இது கதிரியக்க சுனாமியை உருவாக்கக்கூடிய வல்லமை படைத்தது என்றும் வட கொரியா தெரிவித்தது. ஆனால், வட கொரியாவிடம் உண்மையில் அத்தகைய சக்திவாய்ந்த ஆயுதம் உள்ளதா? இல்லையா? என ஆய்வாளர்கள் கேள்வி எழுப்பியுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

மேலும் இது தொடர்பான செய்திகளைப் படிக்க இங்கே கிளிக் செய்யவும்