நுவரெலியா - நானுஓயா வீதியில் கோர விபத்து: ஒருவர் பலி! பலர் காயம்
புதிய இணைப்பு
நானுஓயா - ரதெல்ல குறுக்கு வீதியில் வானும் பாரவூர்தியும் மோதி விபத்துக்குள்ளானதில் வானில் பயணித்த ஒருவர் உயிரிழந்துள்ளதுடன் 18 பேர் காயமடைந்து நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாக நானுஓயா காவல்துறை அதிகாரி ஒருவர் தெரிவித்தார்.
நேற்றிரவு (02) இடம்பெற்ற இந்த விபத்தில் கல்முனைப் பகுதியைச் சேர்ந்த 53 வயதான அனிதா மொஹமட் அல்சார் என்பவரே உயிரிழந்துள்ளார்.
விபத்தின் போது, வானில் பயணித்த18 பேரும் பாரவூர்தியின் சாரதியும் காயமடைந்துள்ளதாக காவல்துறையினர் குறிப்பிட்டுள்ளனர்.
5 தொன்னுக்கும் அதிகமான எடையுள்ள வாகனங்களை அதிகளவு மேம்பாலங்கள் கொண்ட அந்த வீதியில் ஓட்டுவதற்கு தடை விதிக்கப்பட்டிருந்த போதும் பாரவூர்தியை ஓட்டிச் சென்றுள்ளதாக முதற்கட்ட விசாரணையில் தெரியவந்துள்ளது.
அத்துடன் விபத்தில் காயமடைந்தவர்களில் சிலரது நிலைமை கவலைக்கிடமாக உள்ளதாகவும், விபத்தில் வானும் பாரவூர்தியும் பலத்த சேதம் அடைந்துள்ளதாகவும் விசாரணைகளை மேற்கொண்டு வரும் நானுஓயா காவல்துறையினர் தெரிவித்தமை குறிப்பிடத்தக்கது.
முதலாம் இணைப்பு
நுவரெலியா(Nuwaraeliya) - நானுஓயா, ரதெல்ல குறுக்கு வீதியில் இடம்பெற்ற வாகன விபத்தில் ஒருவர் உயிரிழந்ததுடன் 19 பேர் வரை காயமடைந்துள்ளனர்.
குறித்த விபத்துச் சம்பவம் இன்று (01.11.2024) மாலை இடம்பெற்றுள்ளது.
விபத்துச் சம்பவம்
இதன்போது, வான் ஒன்றும் பாரவூர்தி ஒன்றும் மோதியதில் இந்த விபத்து ஏற்பட்டுள்ளதாக காவல்துறையினர் தெரிவித்துள்ளனர்.
அத்துடன், விபத்தில் காயமடைந்தவர்கள் சிகிச்சைகளுக்காக நுவரெலியா மாவட்ட வைத்தியசாலையில் அனுமதிக்கப்பட்டுள்ளனர்.
மேலும், விபத்து தொடர்பான மேலதிக விசாரணைகளை காவல்துறையினர் முன்னெடுத்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
