இலங்கைக்கு வந்து குவியும் சுற்றுலாப்பயணிகள்: மீண்டும் முதலிடத்தை பிடித்த இந்தியா
இந்த ஆண்டு (2023) ஒக்டோபர் மாதத்தில் இலங்கைக்கு வருகை தந்துள்ள சுற்றுலாப்பயணிகள் தொடர்பான தகவல்கள் வெளியாகியுள்ளது.
அந்தவகையில், கடந்த மாதம் ஒரு இலட்சத்திற்கும் அதிகமான சுற்றுலாப்பயணிகள் இலங்கைக்கு வருகைதந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.
இலங்கை சுற்றுலா அபிவிருத்தி அதிகார சபையின் மாதாந்த புள்ளிவிபரங்களின்படி ஒக்டோபர் மாதம் 01 ஆம் திகதி முதல் 31 ஆம் திகதி வரை சுமார் 109,199 சுற்றுலாப்பயணிகள் இலங்கைக்கு வருகை தந்துள்ளனர்.
முதலாவது இடத்தில்
இது சென்ற ஆண்டுக்கான (2022) ஒக்டோபர் மாதத்தின் எண்ணிக்கையுடன் ஒப்பிடுகையில் 159 சதவீதம் அதிகமாகும்.
அதுமாத்திரமல்லாமல், இந்த ஆண்டின் மே மாதத்தைத் தவிர மற்றைய அனைத்து மாதங்களிலும் சுமார் 100,000 வரையான சுற்றுலாப் பயணிகளின் வருகை பதிவுசெய்யப்பட்டுள்ளது.
சுமார் 28,222 சுற்றுலாப்பயணிகளின் வருகையுடன் ஒக்டோபர் மாதமும் அதிகளவான சுற்றுலாப்பயணிகளின் வருகையில் முதலாவது இடத்தினை இந்தியா பிடித்திருக்கிறது.
தொடர்ந்தும் 10,629 சுற்றுலாப் பயணிகளுடன் ரஷ்யா இரண்டாவது இடத்தினையும், 8,454 சுற்றுலாப் பயணிகளுடன் ஐக்கிய இராச்சியம் மூன்றாவது இடத்திலும், 7,548 சுற்றுலாப் பயணிகளுடன் ஜெர்மனி நான்காவது இடத்திலும், 6,211 சுற்றுலாப் பயணிகளுடன் சீனா ஐந்தாவது இடத்தினையும் பிடித்துள்ளது.
அதேபோல் அவுஸ்திரேலியா, மாலைதீவுகள், பிரான்ஸ், அமெரிக்கா மற்றும் ஸ்பெயின் ஆகிய நாடுகளில் இருந்தும் சுற்றுலா பயணிகள் இலங்கைக்கு வருகை தந்துள்ளனர்.
ஒக்டோபர் மாதத்துடன் சேர்த்து, இந்த ஆண்டு (2023) இதுவரை மொத்தமாக 1,125, 455 சுற்றுலாப் பயணிகளின் வருகையை இலங்கை பதிவு செய்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
