பெண்ணை மோதி தள்ளிவிட்டு தப்பியோடிய டிப்பர் வாகனம்

புதிய இணைப்பு

வவுனியா (Vavuniya) - கொறவப்பொத்தானை வீதியில் இடம்பெற்ற விபத்தில் பெண் ஒருவர் படுகாயமடைந்துள்ளதாக காவல்துறையினர் தெரிவித்துள்ளனர்.

குறித்த விபத்து நேற்று (16.09.2025) இரவு 8.30 மணிக்கு வவுனியா தினச்சந்தை கட்டடத்திற்கு முன்பாக உள்ள பாதசாரிகள் கடவைக்கு அருகில் இடம்பெற்றுள்ளது.

விபத்து தொடர்பாக மேலும் தெரியவருகையில், மோட்டார் சைக்கிளில் சென்ற குறித்த பெண் புறப்படுவதற்கு தயாராக வீதியின் கரையில் நின்றுள்ளார்.  

தூக்கி வீசப்பட்ட பெண்

இதன்போது வைத்தியசாலை சுற்றுவட்டத்தில் இருந்து கொறவப்பொத்தானை திசைநோக்கி சென்ற டிப்பர் வாகனம் அவரை மோதியுள்ளது.

விபத்தில் குறித்த பெண் மோட்டார் சைக்கிளில் இருந்து தூக்கி வீசப்பட்ட நிலையில் காயமடைந்திருந்தார்.

விபத்தை ஏற்ப்படுத்திய மஞ்சள் வர்ண டிப்பர் வாகனத்தின் சாரதி வாகனத்தை நிறுத்தாமல் சென்றுள்ளதாக விபத்தை நேரில் பார்த்தவர்கள் தெரிவித்தனர். 

முதலாம் இணைப்பு 

இரண்டு குடும்பங்களைச் சேர்ந்த எட்டு பேரை ஏற்றிச் சென்ற சிற்றூர்தி, பாரவூர்தியுடன் மோதி விபத்துக்குள்ளானதில் பெண் ஒருவர் உயிரிழந்துள்ளார்.

இந்த கோர விபத்து இன்று (16.09.2025) அதிகாலை தெற்கு அதிவேக நெடுஞ்சாலையில் இடம்பெற்றுள்ளதாக காவல்துறையினர் தெரிவித்துள்ளனர். 

புஷ்பகுமாரி சந்தமாலி என அடையாளம் காணப்பட்டுள்ள உயிரிழந்த குறித்த பெண், டிசம்பர் மாதம் திருமணம் செய்ய இருந்ததாக தெரியவந்துள்ளது.

தென்னிந்திய திரைப்பட செய்தியாளர் சந்திப்பில் ஒலித்த செம்மணி விவகாரம்

காவல்துறை விசாரணை

விபத்தில் மூன்று குழந்தைகள் உட்பட ஆறு பேர் காயங்களுடன் களுபோவில வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.

காயமடைந்தவர்கள் கஹதுடுவ வைத்தர மாவட்ட வைத்தியசாலை மற்றும் ஹோமாகம ஆதார வைத்தியசாலைக்கு அனுப்பப்பட்டதையடுத்து, மேலதிக சிகிச்சைக்காக களுபோவில போதனா வைத்தியசாலைக்கு அனுப்பி வைக்கப்பட்டதாக மருத்துவமனை பேச்சாளர் ஒருவர் தெரிவித்துள்ளார்.

இஸ்ரேலில் பணிபுரிந்து வந்த ஒருவரை நாட்டிற்கு வந்ததும் அழைத்து வருவதற்காக கட்டுநாயக்க சர்வதேச விமான நிலையத்திற்கு சிற்றூர்தியில் செல்லும் போதே இந்த விபத்து இடம்பெற்றுள்ளது.

சம்பவத்தின் போது உயிரிழந்த பெண் சிற்றூர்தியின் முன் இடது இருக்கையில் அமர்ந்திருந்ததாகவும் அவரை திருமணம் செய்து கொள்ளவிருந்த நபர் சிற்றூர்தி ஓட்டுநர் எனவும் காவல்துறை விசாரணையில் தெரியவந்துள்ளது.

சாரதியின் அதிவேகமும், உறக்கமும் விபத்துக்கு காரணமாக இருக்கலாம் என காவல்துறையினர் சந்தேகிக்கின்றனர்.

யாழ் நகரில் அதிரடியாக கைது செய்யப்பட்ட இளைஞர்கள்

ஜெனீவாவில் ஈழத்தமிழர்களுக்கு நீதி கோரி வெடித்த பாரிய போராட்டம்