கொழும்பு புற நகர் பகுதியில் பதிவான கொடூர சம்பவம்: விசாரணைகளில் வெளியான பகீர் தகவல்
வத்தளை ஹந்தல பிரதேசத்தில் கடந்த மாதம் 28ஆம் திகதி விடுதியொன்றில் நபர் ஒருவர் வெட்டி படுகொலை செய்யப்பட்ட சம்பவத்துடன் தொடர்புடைய சந்தேக நபர்கள் இருவர் கைது செய்யப்பட்டுள்ளனர்.
பொரளை லெஸ்லி ரணகல மாவத்தை பகுதியில் கொழும்பு குற்றத்தடுப்பு பிரிவின் ஒழுங்கமைக்கப்பட்ட குற்ற விசாரணைப் பிரிவின் அதிகாரிகள் விசேட சுற்றிவளைப்பொன்றை மேற்கொண்டுள்ளனர்.
அதன்போது, மோட்டார் சைக்கிளில் பயணித்த இருவரை சோதனையிட்ட அதிகாரிகள், இருவர் வசமிருந்த 11 கிராம் 514 மில்லிகிராம் ஹெரோயின் போதைப் பொருளைக் கண்டுபிடித்து, பின்னர் சந்தேகநபர்கள் இருவரையும் கைது செய்துள்ளனர்.
விசாரணை
இந்நிலையில், 21 மற்றும் 23 வயதுடைய சந்தேகநபர்கள் நீதிமன்றில் முன்னிலைப்படுத்தப்பட்டதுடன், அவர்களை தடுத்து வைத்து விசாரணை நடத்துவதற்கு காவல்துறையினர் அனுமதி பெற்றுள்ளனர்.
இதன்படி, கடந்த மாதம் 28ஆம் திகதி வத்தளை ஹந்தல பிரதேசத்தில் உள்ள ஹோட்டல் ஒன்றில் நபர் ஒருவர் வெட்டி படுகொலை செய்யப்பட்ட சம்பவத்துடன் இந்த சந்தேகநபர்கள் ஈடுபட்டுள்ளதாக தெரியவந்துள்ளது.
வாள்கள் உள்ளிட்ட கூரிய ஆயுதங்களால் முச்சக்கர வண்டியில் வந்த குழுவினர் தாக்கியதில் 58 வயதுடைய ஹோட்டல் ஊழியர் ஒருவர் உயிரிழந்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
