13 பயிர்களுக்கு விவசாய மானியம் : விவசாயிகளுக்கு முக்கிய அறிவிப்பு
இலங்கையில் முதன்முறையாக நெற்செய்கைக்கு மேலதிகமாக மேலும் 12 உணவுப் பயிர்களுக்காக விவசாய மானியம் வழங்குவதற்கு அரசாங்கம் திட்டமிட்டுள்ளதாக விவசாயப் பிரதி அமைச்சர் நாமல் கருணாரத்ன தெரிவித்துள்ளார்.
கடந்த எந்தவொரு அரசாங்கமும் வழங்காத வகையிலான அதிமேலதிகத் தொகையை தற்போதைய அரசாங்கம் விவசாயிகளுக்கான பயிர்ச்செய்கை மானியமாக வழங்கும் நடவடிக்கைகளை ஏற்கனவே ஆரம்பித்துச் செயற்படுத்தி வருவதாகவும் அவர் மேலும் சுட்டிக்காட்டினார்.
இது குறித்து அவர் மேலும் தெரிவிக்கையில், "விவசாயிகளுக்கு உண்மையிலேயே வழங்கப்படுவது ஒரு பயிர்ச்செய்கை மானியமாகும்.
13 பயிர்களுக்கு மானியம்
இந்த நிதியை உரம் வாங்குவதற்கோ, சேதங்களை ஈடுசெய்வதற்கோ அல்லது நிலத்தைப் பண்படுத்துவதற்கோ என தமது எந்தவொரு தேவைக்கும் விவசாயிகள் பயன்படுத்திக் கொள்ள முடியும்.
நாங்கள் ஆட்சியைக் பொறுப்பேற்ற போது வழங்கப்பட்ட மானியத் தொகையை தற்போது இருமடங்காக உயர்த்தியுள்ளோம். நெற்செய்கைக்கு மேலதிகமாக மேலும் 12 பயிர்கள் சேர்க்கப்பட்டு, நெல்லுடன் சேர்த்து மொத்தம் 13 பயிர்களுக்கு இந்த மானியம் வழங்கப்படுகிறது.
நெல் விவசாயம் செய்யப்படும் நிலங்களில் மேலதிகப் பயிர்களைச் செய்யும் விவசாயிகளுக்கும், நெற்செய்கைக்கு வழங்கப்படும் அதே மானியத் தொகை வரலாற்றில் முதல்முறையாக வழங்கப்படவுள்ளது.
கடந்த காலங்களில் எந்தவொரு அரசாங்கமும் வழங்கிராத வகையில், தற்போதைய அரசாங்கம் விவசாயிகளுக்குப் பயிர்ச்செய்கை மானியமாகப் பெருந்தொகை நிதியை ஒதுக்கி, அதனை வழங்கும் பணிகளைத் தற்போது முன்னெடுத்து வருகின்றோம்” என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வேலணை மேற்கு 8ம் வட்டாரம், London, United Kingdom
03 Nov, 2024
சண்டிலிப்பாய், மானிப்பாய், London, United Kingdom, கனடா, Canada
02 Nov, 2020
அல்லைப்பிட்டி, பிரான்ஸ், France
12 Nov, 2011
