கனடாவிலிருந்து இலங்கை வந்த மர்ம பார்சல்! தமிழர் பகுதியில் ஒருவர் கைது

Sri Lanka Canada Sri Lanka Customs

By Harrish Dec 13, 2024 01:28 PM GMT

Harrish

in சமூகம்

Report

கனடாவில்(Canada) இருந்து கொள்கலன் ஒன்றில் இலங்கைக்கு அனுப்பப்பட்ட பார்சலில் கஞ்சா அடங்கிய 20 டின்களை இலங்கை சுங்க அதிகாரசபை மீட்டுள்ளது.

கடந்த 4ஆம் திகதி கப்பலில் வந்த கொள்கலன் நிறுத்தி வைக்கப்பட்டிருந்தது.

இந்நிலையில், சுங்க அதிகாரிகளுக்கு கிடைத்த இரகசிய தகவலின் அடிப்படையில் குறித்த டின்கள் கண்டுபிடிக்கப்பட்டதாக சுங்க ஊடக செயலாளர் மேலதிக பணிப்பாளர் நாயகம் சிவலி அருக்கொட தெரிவித்துள்ளார்.

போதைப்பொருள் கையிருப்பு

இந்த கஞ்சா கையிருப்பு வவுனியா மற்றும் களுத்துறை முகவரிகளுக்கு அனுப்பி வைக்கப்பட்டுள்ளன.

களுத்துறை தெற்கு பகுதியில் உள்ள ஒருவருக்கு வந்த பார்சல் ஒன்றில் 08 டின்களில் 5,324 எடையுடைய கஞ்சா இருந்ததாக தெரிவிக்கப்படுகிறது.

கனடாவிலிருந்து இலங்கை வந்த மர்ம பார்சல்! தமிழர் பகுதியில் ஒருவர் கைது | Parcel From Canada To Vavuniya One Arrested

வவுனியாவை சேர்ந்தவருக்கு வந்த பார்சலில் 1,755 கிராம் எடையுடைய போதைப்பொருள் மீட்கப்பட்டுள்ளதாக கட்டுப்பாட்டு பிரிவின் அறிக்கை தெரிவிக்கிறது.

இதன் சந்தை மதிப்பு தனித்தனியாக 31,994,000 மற்றும் 10,530,000 ரூபாவாகும். அத்துடன், கைப்பற்றப்பட்ட போதைப்பொருள் கையிருப்பு மேலதிக விசாரணை மற்றும் தேவையான சட்ட நடவடிக்கைகளுக்காக காவல்துறை போதைப்பொருள் ஒழிப்பு பணியகத்திடம் ஒப்படைக்கப்பட்டுள்ளது.

மேலும், அவர்கள் மேற்கொண்ட விசாரணைகளின் அடிப்படையில் வவுனியா, மகாறம்பைக்குளம் பகுதியைச் சேர்ந்த ஒருவர் நேற்று முன்தினம்(11) கைது செய்யப்பட்டு கொழும்புக்கு கொண்டு செல்லப்பட்டுள்ளார்.