புதுக்குடியிருப்பில் சட்டவிரோத கசிப்புடன் ஒருவர் கைது!

Sri Lanka Police Mullaitivu Sri Lanka Police Investigation

By Laksi Mar 21, 2024 02:00 PM GMT

Laksi

in குற்றம்

Report

புதுக்குடியிருப்பு உடையார்கட்டு பகுதியில் சட்டவிரோத கசிப்பு விற்பனையில் ஈடுபட்டு வந்த நபர் ஒருவர் பொதி செய்யப்பட்ட கசிப்பு பைக்கற்றுக்களுடன் காவல்துறையினரால் கைது செய்யப்பட்டுள்ளார்.

குறித்த கைது நடவடிக்கையானது இன்று (21) இடம்பெற்றுள்ளதாக காவல்துறையினர் தெரிவித்துள்ளனர்.

கைது நடவடிக்கை

சம்பவம் குறித்து மேலும் தெரியவருகையில், புதுக்குடியிருப்பு உடையார்கட்டு குரவில் பகுதியில் சட்டவிரோதமாக கசிப்பு விற்பனை இடம்பெற்று வருவதாக புதுக்குடியிருப்பு பொலிஸ் கொஸ்தாபிள் பிரதீபனுக்கு கிடைக்கப்பெற்ற இரகசிய தகவல் கிடைக்கப் பெற்றுள்ளது.

புதுக்குடியிருப்பில் சட்டவிரோத கசிப்புடன் ஒருவர் கைது! | Person Arrested Illegal Leakage In Puthukudiyirupu

திடீர் சுற்றிவளைப்பு நடவடிக்கையினை மேற்கொண்ட புதுக்குடியிருப்பு காவல் நிலைய பொறுப்பதிகாரி ஹெரத் தலைமையில் காவல்துறை கொஸ்தாபல்களான (72585) ஜெயசூரிய, (74996) பணாவர, (88509) பிரதீபன், (99804) சத்துரங்க ஆகிய குறித்த காவல்துறை குழுவினர் கைது நடவடிக்கையை மேற்கொண்டிருந்தனர்.

இதன்போது, மறைத்து வைக்கப்பட்டு 160 சிறு சிறு பொதிகளாக்கப்பட்டு விற்பனை செய்யப்பட்டு வந்த 16 லீற்றர் சட்டவிரோத கசிப்பு பைக்கற்றுக்களுடன் 31 வயதுடைய சந்தேக நபர் ஒருவரை கைது செய்துள்ளனர்.

குறித்த நபரிடம் மேற்கொள்ளப்பட்டு வரும் மேலதிக விசாரணைகளின் பின்னர் முல்லைத்தீவு நீதவான் நீதிமன்றில் முற்படுத்த நடவடிக்கை மேற்கொள்ளப்பட்டு வருவதாகவும் காவல்துறையினர் மேலும் தெரிவித்துள்ளனர்.