பிள்ளையான் கைது விவகாரம்: உயர் நீதிமன்றம் விடுத்துள்ள உத்தரவு

Pillayan Sri Lankan Peoples Supreme Court of Sri Lanka Law and Order

By Dilakshan Jun 18, 2025 01:18 AM GMT

Dilakshan

Report

முன்னாள் இராஜாங்க அமைச்சர் சிவநேசதுரை சந்திரகாந்தன் எனப்படும் பிள்ளையான் தாக்கல் செய்த அடிப்படை உரிமைகள் மனுவை ஜூலை 23 ஆம் திகதி விசாரிக்க உயர் நீதிமன்றம் உத்தரவிட்டுள்ளது.

பயங்கரவாதத் தடுப்புச் சட்டத்தின் கீழ் தன்னைக் கைது செய்து தடுத்து வைக்க குற்றப் புலனாய்வுத் திணைக்களம் எடுத்த முடிவு தனது அடிப்படை மனித உரிமைகளை மீறுவதாக தீர்ப்பளிக்கக் கோரி பிள்ளையான் இந்த அடிப்படை உரிமைகள் மனுவைத் தாக்கல் செய்துள்ளார்.

இந்த மனு இன்று உயர் நீதிமன்றத்தின் நீதிபதிகள் எஸ். துரை ராஜா, மேனகா விஜேசுந்தர மற்றும் சம்பத் விஜேரத்ன ஆகியோர் அடங்கிய மூன்று நீதிபதிகள் கொண்ட அமர்வு முன் விசாரணைக்கு வந்தது.

இரண்டு வார அவகாசம்

சட்டமா அதிபர் சார்பில் முன்னிலையான பிரதி சொலிசிட்டர் ஜெனரல் சுஹர்ஷி ஹேரத், நீதிமன்றத்தில் சாட்சியங்களை சமர்ப்பித்து, மனுவுக்கு வரையறுக்கப்பட்ட ஆட்சேபனைகளை தாக்கல் செய்ய இரண்டு வாரங்கள் அவகாசம் கோரினார்.

பிள்ளையான் கைது விவகாரம்: உயர் நீதிமன்றம் விடுத்துள்ள உத்தரவு | Pillayan S Fundamental Rights Petition Court Oder

அதன்படி, வரையறுக்கப்பட்ட ஆட்சேபனைகளை சமர்ப்பிக்க பிரதிவாதி தரப்பினருக்கு இரண்டு வார கால அவகாசம் அளித்த மூன்று நீதிபதிகள் கொண்ட அமர்வு, அந்த திகதியிலிருந்து ஒரு வாரத்திற்குள் ஏதேனும் ஆட்சேபனைகளை தாக்கல் செய்ய மனுதாரர் தரப்பினருக்கும் உத்தரவிட்டுள்ளது.