மகிந்தவின் சகாக்களை கைது செய்ய சதி : மொட்டு உறுப்பினர் பகிரங்கம்
முன்னாள் ஜனாதிபதி மகிந்த ராஜபக்சவுடன் (Mahinda Rajapaksa) தொடர்புடையவர்களைக் கைது செய்வதற்கான சதிகள் தற்போது இடம்பெறுவதாக தகவல் வெளியாகியுள்ளது.
இந்த விடயத்தினை சிறிலங்கா பொதுஜன பெரமுனவின் முன்னாள் நாடாளுமன்ற உறுப்பினர் பிரேமலால் ஜயசேகர (Premalal Jayasekara) தெரிவித்துள்ளார்.
மகிந்த ராஜபக்சவுக்கும் சிறிலங்கா பொதுஜன பெரமுனவின் (SLPP) பிரதிநிதிகளுக்கும் இடையில் நேற்று (27) விசேட சந்திப்பொன்று இடம்பெற்றுள்ளது.
சந்திப்பில் கலந்துகொண்டோர்
கொழும்பு (Colombo) விஜேராம வீதியிலுள்ள மகிந்த ராஜபக்சவின் உத்தியோகப்பூர்வ இல்லத்தில் இந்த சந்திப்பு இடம்பெற்றுள்ளது.
இதன்போது, சிறிலங்கா பொதுஜன பெரமுனவின் முன்னாள் நாடாளுமன்ற உறுப்பினர்களும், கடந்த பொதுத்தேர்தலில் சிலிண்டர் சின்னத்தில் (New Democratic Front) போட்டியிட்ட சிலரும் கலந்து கொண்டிருந்ததாக குறிப்பிடப்படுகின்றது.
இந்த சந்திப்பின்போது, எதிர்கால நடவடிக்கைகள் தொடர்பிலும் மேலும் பல விடயங்கள் குறித்தும் கலந்துரையாடப்பட்டதாக பிரேலால் ஜயசேகர தெரிவித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
