ஒரு வருட சிறைத்தண்டனை அனுபவித்த இலங்கையர் : குற்றமற்றவர் என விடுவித்த மாலைதீவு நீதிமன்றம்!
மாலைதீவில் 02 கிலோ கிராமிற்கும் அதிகமான தங்கத்தைக் கடத்தியதாகக் குற்றம் சாட்டப்பட்டு, ஒரு வருடச் சிறைத்தண்டனையை முழுமையாக அனுபவித்து முடித்த இலங்கைப் பிரஜை ஒருவரை மாலைதீவு உயர் நீதிமன்றம் அனைத்துக் குற்றச்சாட்டுகளிலிருந்தும் விடுவித்து தீர்ப்பளித்துள்ளது.
குற்றவியல் நீதிமன்றம் அவரைக் குற்றவாளி எனத் தீர்ப்பளித்து சிறைத்தண்டனை விதித்த அதே திகதியில், அதாவது சரியாக ஓராண்டு கழித்து, நேற்று (28) இந்த உத்தரவு பிறப்பிக்கப்பட்டுள்ளது.
2023ஆம் ஆண்டு செப்டெம்பர் மாதம் 21ஆம் திகதி டுபாயில் இருந்து எமிரேட்ஸ் விமானம் மூலம் மாலைதீவு வெலனா சர்வதேச விமான நிலையத்தை வந்தடைந்த முஹம்மட் சுலைமான் என்ற இலங்கையர், தனது ஆடைக்குள் 2,282 கிராம் தங்கப் பசையை மறைத்து வைத்திருந்ததாக மாலைதீவு சுங்கப் பிரிவினரால் கைது செய்யப்பட்டார்.
ஒரு வருட சிறைத்தண்டனை
இந்தநிலையில, 2025 ஆம் ஆண்டு ஒக்டோபர் மாதம் 28 ஆம் திகதி குற்றவியல் நீதிமன்றம் அவருக்கு ஒரு வருட சிறைத்தண்டனை விதித்தது.
மாலைதீவு சுங்கச் சட்டத்தின் பிரிவு 97(a) இன் கீழ் பதியப்பட்ட, இந்தக் குற்றச்சாட்டு, 'கடத்தல்' என்ற சட்டப்பூர்வ வரையறைக்குப் பொருந்தாது என மூன்று நீதிபதிகள் அடங்கிய அமர்வு தீர்ப்பளித்தது.
குறித்த தங்கம் தடைசெய்யப்பட்ட பொருளோ அல்லது சுங்க வரி விதிக்கப்படும் பொருளோ அல்ல என்பதை அரச தரப்பும் ஏற்றுக்கொண்டுள்ளது.
சட்டம் ஒரு செயலைக் குற்றம் என்று தெளிவாக வரையறுக்காத வரை அதை குற்றவியல் நடவடிக்கையாகக் கருத முடியாது என நீதிபதிகள் சுட்டிக்காட்டினர்.
கீழ் நீதிமன்றத்தின் தண்டனை அரசியலமைப்பு விதிகளுக்கு முரணானது எனக் கூறி, அவர் ஏற்கனவே தனது தண்டனைக் காலத்தை நிறைவு செய்துள்ள நிலையிலும் உயர் நீதிமன்றம் அவரை விடுவித்து தீர்ப்பளித்தமை குறிப்பிடத்தக்கது.
நெதன்யாகுவின் அரசியல் எதிர்காலத்தைத் தீர்மானிக்கும் இஸ்ரேல் தேர்தல்: நெசெட் நாடாளுமன்றத்தின் பின்னணி
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
