வெடுக்கு நாறிமலையில் காவல்துறையின் அராஜகம் : கண்டித்து நாளை போராட்டம்
வவுனியா வெடுக்குநாறி மலையில் சிவராத்திரி வழிபாடுகளில் ஈடுபட்டிருந்த ஆலயத்தின் பரிபாலன சபையின் நிர்வாகிகள் மீதும், சிவ பக்தர்கள் மீதும் காவல்துறையினர் நடத்திய வன்முறைகளை எதிர்த்தும், கைதுசெய்யப்பட்டு சிறையில் அடைக்கப்பட்டுள்ள 8 பேரை விடுவிக்கக்கோரியும் பாரிய எதிர்ப்பு போராட்டம் ஏற்பாடு செய்யப்பட்டுள்ளது.
வெடுக்குநாறிமலை ஆதிலிங்கேஸ்வரர் ஆலய பரிபாலன சபையினரால் ஏற்பாடு செய்யப்பட்டுள்ள இந்த போராட்டம் நாளை வெள்ளிக்கிழமை காலை 10.00 மணிக்கு நெடுங்கேணி சந்தியில் ஆரம்பிக்கப்படவுள்ளது.
வெளிநாட்டுத் தூதரகங்களுக்கான மனு
இந்தப் போராட்டமானது, வவுனியா வடக்கு பிரதேச செயலகம் வரை பேரணியாகச் சென்று, இலங்கைக்கான ஐ.நா வதிவிடப் பிரதிநிதி மற்றும், இலங்கையிலுள்ள வெளிநாட்டுத் தூதரகங்களுக்கான மனுவும் கையளிக்கப்படவுள்ளது.
அனைவருக்கும் அழைப்பு
அரச அநீதிக்கு எதிரான இந்தப் போராட்டத்தில், அனைத்துத் தமிழ் மக்களையும், சமயம் சார்ந்த அமைப்புக்களையும், தமிழ் அரசியல்வாதிகளையும், தமிழ் உணர்வாளர்களையும், குடிசார் சமூகத்தினரையும், பல்கலைக்கழக மாணவர்களையும், ஊடகங்களையும், கலந்துகொள்ளுமாறு அழைப்பு விடுக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026