போதைப்பொருள் கடத்தலால் ஈட்டப்பட்ட மில்லியன் ரூபாய் சொத்துகள்: எடுக்கப்பட்ட நடவடிக்கை
போதைப்பொருள் கடத்தல் மூலம் ஈட்டப்பட்ட பணத்தில் வாங்கப்பட்டதாகச் சந்தேகிக்கப்படும் இலட்சம் பெறுமதியான சொத்துக்களை முடக்க நடவடிக்கை எடுக்கப்பட்டுள்ளது.
குறித்த நடவடிக்கையை சட்டவிரோத சொத்துகள் விசாரணைப் பிரிவு நடவடிக்கை முன்னெடுத்துள்ளது.
தங்காலையைச் சேர்ந்த லாரா என்றழைக்கப்படும் இந்திக பிரசாத் என்பவருக்குச் சொந்தமான சொத்துக்களுக்கு எதிராகவே இந்த நடவடிக்கை எடுக்கப்பட்டுள்ளது.
ஆரம்பிக்கப்பட்ட விசாரணை
இதனடிப்படையில் சுமார் 40 மில்லியன் ரூபாய் பெறுமதியான நான்கு சொத்துகளை முடக்குவதற்கு நடவடிக்கை எடுக்கப்பட்டுள்ளது.
காவல்துறை மாஅதிபருக்குக் கிடைத்த முறைப்பாட்டின் அடிப்படையில் ஆரம்பிக்கப்பட்ட விசாரணைகளின் போது இந்தச் சொத்துகளைக் கொள்வனவு செய்வதற்குப் பயன்படுத்தப்பட்ட நிதியைச் சம்பந்தப்பட்ட நபரின் சட்டபூர்வமான வருமான மூலங்களுடன் தொடர்புபடுத்த முடியவில்லை என்பது கண்டறியப்பட்டுள்ளது.

இதனடிப்படையில் திருத்தப்பட்ட பணத்தூய்தாக்கல் தடுப்புச் சட்டத்தின் 7(1) பிரிவின் கீழ் இந்த முடக்கல் உத்தரவுகள் பிறப்பிக்கப்பட்டுள்ளதாக காவல்துறையினர் தெரிவித்துள்ளனர்.
இதன்படி, தங்காலை - தன்கெட்டிய பகுதியில் 18 பேர்ச்சஸ் நிலத்தில் நிர்மாணிக்கப்பட்ட இரு மாடி வீடு, அதே பகுதியில் கட்டடத்துடன் கூடிய மற்றொரு காணி, பொலன்மாருவ பகுதியில் இரண்டு கட்டடங்களைக் கொண்ட 19.20 பேர்ச்சஸ் சொத்து மற்றும் வல்கம்பிட்டிய பகுதியில் 37.25 பேர்ச்சஸ் காணி ஆகிய சொத்துகள் முடக்கப்பட்டுள்ளன.
இந்த முடக்கல் உத்தரவுகள் நேற்று (17-11-2026) முதல் நடைமுறைக்கு வந்ததுடன் இது 14 வேலை நாட்களுக்குச் செயற்பாட்டில் இருக்கும் என அறிவிக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |