கிராம உத்தியோகத்தர்களின் பரீட்சை தொடர்பில் பிரதமர் வெளியிட்ட தகவல்
2,763 கிராம உத்தியோகத்தர் வெற்றிடங்களை நிரப்புவதற்கான பரீட்சை 2023 டிசம்பர் முதல் வாரத்தில் நடைபெறும் என பரீட்சை திணைக்களம் அறிவித்துள்ளதாக பிரதமர் தினேஷ் குணவர்தன தெரிவித்துள்ளார்.
இன்றைய தினம் நாடாளுமன்றத்தில் இடம்பெற்று கொண்டிருக்கும் விவாதத்தின் போதே அவர் இதனைக் குறிப்பிட்டுள்ளார்.
இலங்கையில் 14,022 கிராம உத்தியோகபூர்வ காரியாலயங்கள் உள்ளதாகவும் ஒரு கிராம உத்தியோகபூர்வ காரியாலயத்திற்கு ஒரு கிராம அதிகாரியாக 14,022 பதவிகள் அங்கீகரிக்கப்பட்டுள்ளதாகவும் கூறியுள்ளார்.
அமைச்சரவை அனுமதி
மேலும் இது தொடர்பில் அவர் கூறுகையில், “30.06.2023 நிலவரப்படி, 2,763 கிராம அலுவலர் பணியிடங்கள் உள்ளன.
அந்த வெற்றிடங்களை உடனடியாக நிரப்பும் வகையில், 28.05.2023 அன்று வெளியிடப்பட்ட வர்த்தமானி இலக்கம் 2230 இல் உள்ள அறிவிப்பில், இலங்கைப் பரீட்சை திணைக்களம் 31.03.2023 அன்று வெற்றிடங்களை நிரப்புவதற்கான பரீட்சையை நடத்துவதாக தெரிவிக்கப்படடிருந்தது.
வர்த்தமானி அறிவித்தல்
அத்தோடு, எஞ்சிய உத்தியோகத்தர்களுக்கான வெற்றிடங்களுக்காக தற்போது அரசாங்க சேவையில் உள்ளவர்கள் தெரிவு செய்யப்படவுள்ள நிலையில், வெற்றிடங்களை நிரப்புவதற்கு அமைச்சரவை அனுமதியும் வழங்கப்பட்டுள்ளது.
வர்த்தமானி அறிவித்தலின் படி, இலங்கை பரீட்சை திணைக்களம் தமது விண்ணப்பங்களைப் பெற்றுக்கொண்ட விண்ணப்பதாரிகளுக்கு 2023 டிசெம்பர் மாதம் முதல் வாரத்தில் பரீட்சையை நடத்தவுள்ளது.
இந்த விண்ணப்பங்கள் கோரப்பட்டு இரண்டு ஆண்டுகள் கடந்துள்ளது. அதன்படி, தேர்வை நடத்துவதன் மூலம் கிராம உத்தியொகத்தர்கள் நியமிக்கப்படுவார்கள்” என்றார்.
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
