சிறைச்சாலை ஆணையாளர் நாயகம் அதிரடி கைது! வெளியான பின்னணி

CID - Sri Lanka Police Anura Kumara Dissanayaka Department of Prisons Sri Lanka

By Dilakshan Jun 09, 2025 06:02 PM GMT

Dilakshan

in பாதுகாப்பு

Report

சிறைச்சாலை ஆணையாளர் நாயகம் துஷார உபுல்தெனியவை குற்றப் புலனாய்வுத் திணைக்களம் கைது செய்துள்ளது.

ஜனாதிபதி பொது மன்னிப்பை பயன்படுத்தி கைதி ஒருவர் சட்டவிரோதமாக விடுவிக்கப்பட்டதாக எழுந்த குற்றச்சாட்டு தொடர்பான விசாரணையின் போது இந்த கைது மேற்கொள்ளப்பட்டதாக காவல்துறை ஊடகப் பேச்சாளர் அலுவலகம் தெரிவித்துள்ளது.

நாளை (10) கொழும்பு நீதவான் நீதிமன்றத்தில் அவர் முற்படுத்தப்படவுள்ளதாக காவல்துறை தெரிவித்துள்ளது.

புலனாய்வு விசாரணை

ஜனாதிபதி பொது மன்னிப்பை பயன்படுத்தி கைதி ஒருவர் சட்டவிரோதமாக விடுவிக்கப்பட்டதாக எழுந்த குற்றச்சாட்டு தொடர்பாக துஷார உபுல்தெனிய இன்று மூன்றாவது முறையாக குற்றப் புலனாய்வுத் திணைக்களத்திற்கு அழைக்கப்பட்டார்.

சிறைச்சாலை ஆணையாளர் நாயகம் அதிரடி கைது! வெளியான பின்னணி | Prisons Commissioner General Arrested By Cid

இது தொடர்பான சம்பவம் தொடர்பாக வாக்குமூலங்களைப் பதிவு செய்வதற்காகவே குறித்த அழைப்பு விடுக்கப்பட்டிருந்தது.

இத்தகைய பின்னணியில், இன்று பிற்பகல் ஜனாதிபதி தலைமையில் கூடிய அமைச்சரவை, சிறைச்சாலை ஆணையாளர் நாயகம் துஷார உபுல்தெனியவை இடைநீக்கம் செய்ய முடிவு செய்தது.

முடிவுக்கான காரணம்

சிறைச்சாலை ஆணையாளர் நாயகமாக அவர் தொடர்ந்து பணியாற்றுவது எதிர்கால விசாரணைகளுக்கு இடையூறு விளைவிக்கும் மற்றும் விசாரணைகளில் பாரபட்சமற்ற தன்மையை உறுதி செய்யும் என்பதால் இந்த முடிவு எடுக்கப்பட்டது.

சிறைச்சாலை ஆணையாளர் நாயகம் அதிரடி கைது! வெளியான பின்னணி | Prisons Commissioner General Arrested By Cid

அதன்படி, தற்போது நீதி மற்றும் தேசிய ஒருங்கிணைப்பு அமைச்சின் சிறைச்சாலை விவகாரப் பிரிவில் கூடுதல் செயலாளராகப் பணியாற்றும் தநிஷான் தனசிங்க, சிறைச்சாலைகள் ஆணையர் ஜெனரலாகச் செயல்பட நியமிக்கப்பட்டுள்ளார்.