திறைசேரி அதிகாரியின் மரணம்...! உளவியல் பிரேத பரிசோதனைக்கு அரசிடம் கோரிக்கை
வெளிநாட்டு வளங்கள் முகாமைத்துவ திணைக்களத்தின் உதவிப் பணிப்பாளர் ரங்க நிஷாந்த ராஜபக்ஷவின் மரணம் தொடர்பில் உளவியல் பிரேத பரிசோதனை ஒன்றை நடத்துமாறு அரசாங்கத்திடம் கோரிக்கை விடுக்கப்பட்டுள்ளது.
குறித்த கோரிக்கையை தினன தகுண என்ற அரசியல் கூட்டமைப்பு முன்வைத்துள்ளது.
இது குறித்து நேற்று (06-05-2026) ஊடக அறிக்கையொன்று வெளியிடப்பட்டுள்ளது.
பெரும் சர்ச்சை
குறித்த அறிக்கையில் இந்த மரணம் தற்போது நாட்டில் பெரும் சர்ச்சையை ஏற்படுத்தியுள்ளதாக அந்த அமைப்பு சுட்டிக்காட்டியுள்ளது.
இந்த மரணம் தொடர்பில் ஊடகவியலாளர் சந்திப்புகள், நாடாளுமன்ற விவாதங்கள் மற்றும் சமூக ஊடகங்கள் ஊடாக பல்வேறு முரண்பாடான கருத்துக்களும் சந்தேகங்களும் எழுப்பப்பட்டுள்ளதுடன் மிகவும் உணர்வுபூர்வமான புகைப்படங்களும் பரவி வருவதாக அந்த அமைப்பு தெரிவித்துள்ளது.
கடந்த காலத்தில் தீர்வு காணப்படாமல் இருந்த வஸீம் தாஜுதீன் படுகொலை விசாரணையைப் போலவே இந்த மரணமும் மிகவும் சிக்கலான ஒன்றாக இருக்கும் என அவர்கள் நம்பிக்கை வெளியிட்டுள்ளனர்.
தேவையான முறை
உயிரிழந்த ரங்க நிஷாந்தவின் குடும்பத்திற்கு நீதி கிடைப்பதுடன் 2.5 மில்லியன் டொலர் திறைசேரி கொடுக்கல் வாங்கல் தொடர்பில் சுயாதீனமான விசாரணையை மேற்கொள்வதற்கு இந்த உளவியல் பிரேத பரிசோதனை மிகவும் அவசியமானது என அந்த அமைப்பு சுட்டிக்காட்டியுள்ளது.
விஞ்ஞானத்தையும் சட்டத்தையும் இணக்கமாகப் பயன்படுத்தும் ஒரு விசாரணை முறை நாட்டுக்குத் தேவை எனவும் அறிக்கையில் சுட்டிக்காட்டப்பட்டுள்ளது.
இந்தநிலையில் உண்மையை வெளிக்கொணர்வதற்குத் தேவையான முறையான நடவடிக்கைகளை எடுக்குமாறு தற்போதைய அரசாங்கத்திடம் கோரிக்கை விடுக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
