முதன் முறையாக வெளியிடப்பட்ட நாடாளுமன்ற உறுப்பினர்களின் கல்வி மற்றும் தொழில் தகமை!
இலங்கையின் நாடாளுமன்ற உறுப்பினர்களின் கல்வி மற்றும் தொழில் தகைமைகள் முதன் முறையாக வெளியாகியுள்ளன.
இலங்கையின் 225 நாடாளுமன்ற உறுப்பினர்களில் 208 நாடாளுமன்ற உறுப்பினர்கள் தங்களது கல்வி மற்றும் தொழில் தகமை ஆவணங்களை வெளிப்படுத்தியுள்ளனர்.
குறித்த தரவுகளின் அடிப்படையில் இலங்கையின் நாடாளுமன்ற இணையத்தளம் நாடாளுமன்ற உறுப்பினர்களின் கல்வி மற்றும் தொழில் தகமைகளை வெளியிட்டுள்ளது.
தகவல் அறியும் உரிமை ஆணைக்குழு
அரசியலமைப்பின் 90 மற்றும் 91 ஆவது பிரிவுகளின் அடிப்படையில், நாடுளுமன்ற உறுப்பினர்கள் தங்களது தகுதிகளை வெளிப்படுத்த வேண்டிய அவசியம் இல்லாமல் இருந்தது.
இருப்பினும் தற்போது, தகவல் அறியும் உரிமை ஆணைக்குழுவின் உத்தரவுக்கமைய, இந்த தகவல்கள் தற்போது வெளியிடப்பட்டுள்ளன.
நாடாளுமன்ற உறுப்பினர்களின் கல்வித்தகமை
17 நாடாளுமன்ற உறுப்பினர்கள் கல்வி மற்றும் தொழில் தகமைகளை சமர்ப்பிக்காமையால், அவர்களின் தகவல்கள் வெளிப்படுத்தப்படவில்லை.
6 நாடாளுமன்ற உறுப்பினர்கள் சாதாரண தரத்தையும் (O/L), 52 நாடாளுமன்ற உறுப்பினர்கள் உயர் தரத்தையும் (A/L) தமது கல்வித்தகமையாக வெளிப்படுத்தியுள்ளனர்.
23 நாடாளுமன்ற உறுப்பினர்கள் டிப்ளோமாக்களை தமது கல்வித்தகமைகளாக குறிப்பிட்டுள்ளனர்.
70 பேர் இளமாணி பட்டதாரிகளாகவும், 32 பேர் முதுமாணிப் பட்டதாரிகளாகவும், 15 பேர் கலாநிதி பட்டத்தையும் தமது கல்வி தகமையாக குறிப்பிட்டுள்ளனர்.
நாடாளுமன்ற உறுப்பினர்களின் கல்வி மற்றும் தொழில் தகைமைகளை www.parliament.lk என்ற நாடாளுமன்ற இணையதளத்தில் பார்வையிடலாம்.
https://www.parliament.lk/en/members-of-parliament/directory-of-members?cletter=A
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
