இணையவழி மூலம் தொடருந்து பயணம்! போராட்டத்தில் குதித்த அதிகாரிகள்
புதிய இணைப்பு
புகையிரத நிலைய அதிபர்களுக்கு எவ்வித தகவலையும் வழங்காமல் ஆசன முன்பதிவு முறைமைக்கு எதிர்ப்புத் தெரிவித்து இன்று(14) மாலை 4 மணியளவில் திடீர் தொழிற்சங்கப் போராட்டத்தை இலங்கை தொடருந்து நிலைய அதிபர்கள் சங்கத்தினர் முன்னெடுத்துள்ளனர்.
இந்த நேரத்தில் தொடருந்து திணைக்கள பொது மேலாளருடன் ஒரு முக்கிய கலந்துரையாடலொன்று இடம்பெற்றதாகவும் அவர்கள் தெரிவித்துள்ளனர்.
மேலும் இந்த கலந்துரையாடலானது பிற்பகல் 2.30 மணிக்கு இடம்பெற்றதாகவும் சங்கத்தின் பொதுச் செயலாளர் குறிப்பிட்டுள்ளார்.
முதலாம் இணைப்பு
தொடருந்து ஆசனங்களை இன்று(14) முதல் முழுவதுமாக இணையவழி முன்பதிவு செய்யலாம் என தொடருந்து திணைக்களம் தெரிவித்துள்ளது.
அதன்படி, இன்று இரவு 7.00 மணி முதல் தொடருந்து ஆசனங்களை இணையவழி மூலமாக முன்பதிவு செய்ய முடியும் என திணைக்களம் குறிப்பிட்டுள்ளது.
இதுவரை 40 சதவீத ஆசன முன்பதிவே இணையவழி மூலம் வழங்கப்பட்டு வந்த நிலையில், இன்று முதல் முழுவதுமாக இணையவழி மூலம் ஆசனங்களை முன்பதிவு செய்ய முடியுமென தெரிவிக்கப்பட்டுள்ளது.
தொடருந்து
இணையவழி மூலம் ஆசனங்களை முன்பதிவு செய்துவிட்டு பயணிகள் தொடருந்து நிலையத்திற்கு வந்து பயணச்சீட்டி பெற வேண்டிய நிலை இதுவரை இருந்த போதிலும் இனி முதல் ஆசன முன்பதிவு சீட்டின் புகைப்படம் இருந்தால் போதும் என தொடருந்து திணைக்களம் குறிப்பிட்டுள்ளது.
இது தவிர அரசு ஊழியர்களுக்கான இலவச அனுமதிப்பத்திரத்தையும் இணையவழி மூலம் முன்பதிவு செய்ய வாய்ப்பளிக்கப்பட்டுள்ளதாகவும் அறிவிக்கப்பட்டுள்ளது.
அதற்காக கட்டணம் வசூலிப்பது குறித்து முடிவு செய்யப்படவில்லையெனவும் அவ்வாறு பணம் வசூலிக்கப்படும் என்ற வதந்தி பொய்யானதெனவும் தொடருந்து திணைக்களம் தெரிவித்துள்ளது.
இணையவழி
இதனிடையே, சுற்றுலாத்துறையை ஊக்குவிக்கும் நோக்கில் “துன்ஹிந்த ஒடிஸி” என்ற புதிய தொடருந்து விரைவில் அறிமுகப்படுத்தப்படுமென அறிவிக்கப்பட்டுள்ளது.
மேலும் ஏப்ரல் 05 ஆம் திகதி முதல் கொழும்பு கோட்டையில் இருந்து பதுளை வரையிலான தொடருந்து, சேவையில் சேர்க்கப்படவுள்ளது.
மேலும் இதற்கு முன்னதாக சுற்றுலாத் துறையை மேம்படுத்தும் நோக்கில், “எல்ல ஒடிஸி” மற்றும் “சீதாவக்க ஒடிஸி” என்ற பெயரில் இரண்டு தொடருந்துகளை தொடருந்து திணைக்களம் அறிமுகப்படுத்தியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 8ம் வட்டாரம், Toronto, Canada
21 May, 2024
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
