உலகில் முதல் முறையாக டுபாய் விமான நிலைய ஓடுபாதையில் இப்தார் நிகழ்ச்சி

உலகில் முதல் முறையாக டுபாய் சர்வதேச விமான நிலைய ஓடு பாதையில் இப்தார் நோன்பு திறக்கும் நிகழ்ச்சி நடைபெற்றுள்ளது.

குறித்த நிகழ்வானது நேற்றைய தினம்(20) இடம்பெற்றுள்ள நிலையில் தற்போது சமூக வலைத்தளங்களில் அதிகமாக பேசப்பட்டு வருகின்றது.

ரமலானையொட்டி இப்தார் நோன்பு திறக்கும் நிகழ்ச்சிகள் நடந்து வரும் நிலையில் பள்ளிவாசல்கள், கூடாரங்களில் நடைபெறும் இப்தார் நிகழ்ச்சிகளில் ஆயிரக்கணக்கானோர் பங்கேற்று நோன்பு திறந்து வருகின்றனர்.

இளவரசர் வில்லியமுக்கு பிரபல ஜோதிடர் விடுத்துள்ள எச்சரிக்கை...!

டுபாய் சர்வதேச விமான நிலையம்

இந்நிலையில் டுபாய் சர்வதேச விமான நிலைய ஓடு பாதையில் இப்தார் நோன்பு திறக்கும் நிகழ்ச்சி நடந்துள்ளது.

விமானங்கள் தரையிறக்கப்படும் ஓடுபாதையில் நடந்த இப்தார் நிகழ்ச்சியில் அமீரகம் உள்ளிட்ட பல்வேறு நாடுகளைச் சேர்ந்த பல கலாசாரங்களை கொண்ட விமான நிலைய அதிகாரிகள் மற்றும் ஊழியர்கள் கலந்து கொண்டுள்ளதாக தெரிவிக்கப்படுகின்றது.

அவர்களுக்கு பேரீச்சம் பழம், தண்ணீர், குளிர்பானம், பிரியாணி உள்ளிட்ட உணவுகளும் வழங்கப்பட்டது. இந்த நோன்பு திறக்கும் நேரம் வந்ததும் அனைவரும் பிரார்த்தனை செய்து நோன்பை திறந்தனர்.

நம்பிக்கையில்லாப் பிரேரணை வாக்கெடுப்பு: நாடு திரும்பிய பந்துல

இப்தார் நோன்பு திறப்பு

அவர்கள் நோன்பை திறந்த போது விமானங்கள் தரையிறங்குவது, புறப்படுவது நடந்து கொண்டிருந்தது.

இந்த விடயம் குறித்து துபாய் விமான நிலைய அதிகாரி தெரிவிக்கையில், டுபாய் சர்வதேச விமான நிலைய ஊழியர்களுக்கு ஒரு வித்தியாசமான அனுபவத்தை ஏற்படுத்தும் வகையில் விமான நிலைய ஓடுபாதையில் இப்தார் நோன்பு திறக்கும் நிகழ்ச்சிக்கு ஏற்பாடு செய்யப்பட்டது.

இதில் பலரும் ஆர்வமுடன் கலந்து கொண்டனர். மிகவும் பரபரப்பான சூழலில் வேலை செய்து வந்தவர்கள் அதனை மறந்து பலரும் விளையாட்டாக பேசிக் கொண்டு மன இறுக்கத்தை மறந்து செயல்பட்டனர்.

ரமலான் 

விமான நிலையத்தின் வளர்ச்சிக்கும், மேம்பாட்டுக்கும் ஊழியர்களின் பங்களிப்பு முக்கியமானது அவர்களுக்கு நன்றி தெரிவிக்கும் வகையில் இந்த நிகழ்ச்சி நடத்தப்பட்டது.

தொடர்ந்து இதுபோன்ற வித்தியாசமான நிகழ்ச்சிகள் நடத்தப்படும் என்றார். டுபாயில் கின்னஸ் உலக சாதனைகள் பல வித்தியாசமான முறையில் படைக்கப்பட்டு வரும் நிலையில் அதன் ஒரு பகுதியாக விமான ஓடு பாதையில் இப்தார் நோன்பு திறப்பு நிகழ்ச்சி நடத்தப்பட்டுள்ளதாக தெரிவிக்கப்பட்டுள்ளமை குறிப்பிடத்தக்கது.