வடக்கில் வாழும் இஸ்லாமிய மக்கள்: அமைச்சர் சந்திரசேகர் அளித்த உறுதி

Ramadan Sri Lanka Northern Province of Sri Lanka Ramalingam Chandrasekar

By Harrish Mar 31, 2025 09:09 AM GMT

Harrish

in அரசியல்

Report

வடக்கு மாகாணத்தில் வாழும் இஸ்லாமிய சொந்தங்களின் தேவைப்பாடுகளை நாம் நிச்சயம் நிறைவேற்றுவோம் என கடற்றொழில், நீரியல் மற்றும் கடல்வளங்கள் அமைச்சர் இராமலிங்கம் சந்திரசேகர் (Ramalingam Chandrasekar) தெரிவித்துள்ளார்.

ரமழான் பண்டிகையை முன்னிட்டு அவர் வெளியிட்ட வாழ்த்து செய்தியிலேயே மேற்கண்டவாறு கூறியுள்ளார்.

குறித்த வாழ்த்து செய்தியில் அவர் மேலும் தெரிவித்துள்ளதாவது, “இறை தூதர் நபிகள் நாயகம் போதித்த சமத்துவம், சுய கட்டுப்பாடு, நல்லொழுக்கம், அன்பு, பரிமாற்றம், ஒற்றுமை, சமாதானம் ஆகியவற்றை நாம் அனைவரும் கடைபிடித்து நாட்டில் நல்லிணக்கத்தையும், சகோதரத்துவத்தையும் மேம்படுத்துவோம்.

ரமழான் பண்டிகை

ரமழான் என்பது மனிதர்களை அனைத்து வகையிலும் பக்குவப்படுத்தும் ஓர் இனிய திருநாளாகும்.

வடக்கில் வாழும் இஸ்லாமிய மக்கள்: அமைச்சர் சந்திரசேகர் அளித்த உறுதி | Ramalingam Chandrasekhar S Ramadan Wishes

ரமழான் கற்றுத் தரும் இந்தப் பாடங்களை இஸ்லாமியர்கள் மட்டுமின்றி, அனைத்து மதத்தவரும் கடைபிடிக்க வேண்டும். அதை கடைப்பிடித்தால் உலகம் முழுவதும் மனிதம் தழைக்கும் என்பது உறுதி.

மக்களுக்கான மத சுதந்திரம்

உடலையும், உள்ளத்தையும் ஒருநிலைப்படுத்தி, தூய்மை உணர்வோடு புனித ரமழான் மாதத்தில் நோன்பிருந்து, ஈகையின் சிறப்பினை எல்லோருக்கும் உணர்த்தும் வகையில், ஈட்டிய செல்வத்தில் ஒரு பங்கை ஏழை எளியோருக்கு அளித்து, அனைவரும் இன்புற்று வாழ்ந்திட வேண்டி இறைவனை தொழுது, இஸ்லாமியப் பெருமக்கள் ரமழான் பண்டிகையைக் கொண்டாடி மகிழ்வார்கள்.