யாழ்ப்பாணம் நோக்கி புறப்படும் ரணில்! விடுவிக்கப்படவுள்ள காணிகள்

Jaffna Ranil Wickremesinghe Sri Lanka Election

By Shalini Balachandran Mar 22, 2024 04:49 AM GMT

Shalini Balachandran

in சமூகம்

Report

அதிபர் ரணில் விக்ரமசிங்க இன்றைய தினம்(22) யாழ்ப்பாணத்துக்கு உத்தியோகபூர்வ விஜயமொன்றை மேற்கொள்ளவுள்ளார்.

இதன்போது அவர் தலைமையில் பாதுகாப்பு தரப்பினரின் கட்டுப்பாட்டிலுள்ள சுமார் 270 ஏக்கர் அளவிலான காணிகளை விடுவிப்பதற்கான நடவடிக்கைகள் முன்னெடுக்கப்படவுள்ளதாக ஊடகங்கள் தெரிவித்துள்ளன.

காணி உறுதி

மேலும் ரணிலின் இந்த விஜயத்தின்போது யாழ்ப்பாணம், முல்லைத்தீவு மற்றும் கிளிநொச்சி உள்ளிட்ட மாவட்டங்களைச் சேர்ந்த பலருக்கு காணி உறுதிகளும் வழங்கப்படவுள்ளதாகவும் குறிப்பிடப்பட்டுள்ளது.

யாழ்ப்பாணம் நோக்கி புறப்படும் ரணில்! விடுவிக்கப்படவுள்ள காணிகள் | Ranil Wickremesinghe Will Visit Jaffna Today

அத்தோடு அவர் பருத்தித்துறை மற்றும் மந்திகை வைத்தியசாலைகளில் நிர்மாணிக்கப்பட்டுள்ள கட்டிடங்களையும் திறந்து வைக்கவுள்ளதாகவும் தெரிவிக்கப்பட்டுள்ளது.

இது தொடர்பாக குரலற்றவர்களின் குரல் அமைப்பின் ஒருங்கிணைப்பாளர் முருகையா கோமன் நேற்று(21) இடம்பெற்ற ஊடக சந்திப்பின் போது அவரது கருத்தை வெளியிட்டுள்ளார்.

அரசியல் கைதி

இது குறித்து அவர் மேலும் தெரிவிக்கையில், சிறைச்சாலைகளில் தடுத்து வைக்கப்பட்டுள்ள தமிழ் அரசியல் கைதிகளையும் தேர்தலுக்கு முன்னர் விரைவாக விடுதலை செய்வதற்கு அதிபர் ரணில் விக்ரமசிங்க நடவடிக்கை எடுக்க வேண்டும்.

கடந்த 29 ஆண்டுகாலமாக சிறைச்சாலைகளில் தண்டனைகளை அனுபவித்து வரும் 12 தமிழ் அரசியல் கைதிகளையும் விடுவித்து அவர்களை தமது உறவுகளுடன் சேர்ந்து வாழ அனுமதிக்க வேண்டும்.

மிக முக்கியமாக அவர்களை உயிருடன் மீள உறவுகளிடம் கையளிப்பதோடு அதிபர் யாழ்ப்பாண விஜயத்தின் போது அரசியல் கைதிகள் விடுதலை தொடர்பில் சிறந்த தீர்மானங்களை எடுப்பாரென எதிர்பார்க்கப்படுகின்றது” என தெரிவித்துள்ளார்.