அவர் உயிருடன் இருக்க மாட்டார்! ரணிலின் 15 ஆண்டுகள் சிறையை தடுத்த சட்டத்தரணி

பொது நிதியை முறைகேடாகப் பயன்படுத்திய குற்றச்சாட்டில் விளக்கமறியலில் வைக்கப்பட்டிருந்த முன்னாள் ஜனாதிபதி ரணில் விக்ரமசிங்கவின் (Ranil Wickremesinghe) வழக்கு விசாரணை நேற்று (26) கொழும்பு கோட்டை நீதவான் நீதிமன்றத்தில் நடைபெற்றது.

இதன்போது ரணில் விக்ரமசிங்க சார்பாக முன்னிலையான ஜனாதிபதி வழக்கறிஞர் திலக் மாரப்பன (Tilak Marapana), ”எனது கட்சிக்காரருக்கு 76 வயது. உங்கள் நீதிமன்றம் இன்று பிணை வழங்கவில்லை என்றால், அவர் அடுத்ததாக உயர் நீதிமன்றங்களுக்குச் செல்லலாம். அந்த வழக்குகள் முடிவடைய குறைந்தது 15 ஆண்டுகள் ஆகும். அதுவரை அவர் உயிருடன் இருப்பார் என்று நான் நினைக்கவில்லை” என்று சுட்டிக்காட்டினார்.

இவ்வாறு நீண்ட வாதங்களின் பின்னர் விளக்கமறியலில் வைக்கப்பட்டிருந்த ரணில் விக்ரமசிங்க, தலா 50 இலட்சம் ரூபா பெறுமதியான மூன்று சரீரப் பிணைகளில் செல்ல கோட்டை நீதவான் நீதிமன்றம் நேற்று (26) உத்தரவு பிறப்பித்தது.

அநுர - ஹரிணி உள்ளிட்ட 31 பேருக்கு உயர் நீதிமன்றம் விசேட அறிக்கை

 தீவிர சிகிச்சைப் பிரிவில் சிகிச்சை 

கொழும்பு தேசிய வைத்தியசாலையின் தீவிர சிகிச்சைப் பிரிவில் சிகிச்சை பெற்று வரும் முன்னாள் ஜனாதிபதி, மருத்துவ ஆலோசனையின் பேரில் நேற்றைய விசாரணையில் கலந்து கொள்ளாமல், zoom வழியாக இணைந்திருந்தார்.

இந்த நிலையில் நீதிமன்றத்தில் முன்னிலையான மேலதிக மன்றாடியர் நாயகம் திலீப பீரிஸ் அறிக்கையை சமர்ப்பித்தார்.

இதன்போது வாதத்தை முன்வைத்த திலீப பீரிஸ்"கடைசி வழக்கில், வோல்வர்ஹாம்டன் பல்கலைக்கழகத்திலிருந்து சந்தேக நபருக்கு அனுப்பிய அழைப்புக் கடிதம் குறித்து விசாரணை நடத்த நீதிமன்றம் உத்தரவிட்டது.நாங்கள் அதை விசாரித்தோம்.

ஆனால் அந்தக் கடிதம் 2023 ஆம் ஆண்டுக்கான லண்டனில் உள்ள இலங்கை உயர் ஸ்தானிகராலயத்தின் கோப்பில் இல்லை. மேலும், அந்தக் கடிதத்தை இலங்கையில் உள்ள பிரித்தானிய உயர்ஸ்தானிகராலயம் அல்லது ஜனாதிபதி செயலகத்தின் கோப்புகளில் காண முடியாது.

ஜனாதிபதியின் தனிப்பட்ட செயலாளர் சாண்ட்ரா பெரேரா மற்றும் ஜனாதிபதியின் செயலாளர் சமன் ஏகநாயக்க ஆகியோருக்கு அந்தக் கடிதம் குறித்து தெரியாது.

மேலும், இந்தப் பயணம் தொடர்பான ஆவண ஆதாரங்கள் முரண்படுகின்றன. ஒருமுறை இது ஒரு தனிப்பட்ட விஜயம் என்று கூறப்பட்டது. பின்னர் அது ஒரு விஜயம் என்று கூறப்படுகிறது. அதன் பின்னர் மீண்டும் அது ஒரு அதிகாரபூர்வ விஜயம் என்று கூறப்படுகிறது.

சந்தேக நபர் இது ஒரு தனிப்பட்ட வருகை என்று கூறினால், அவர் ஏன் அந்த நிலைப்பாட்டில் உறுதியாக நிற்கவில்லை? இந்தப் பயணம் அந்த அழைப்பிதழுடன் தொடங்கவில்லை.

அதற்கு முன்பு, அவர்கள் லண்டனில் உள்ள இலங்கை உயர் ஸ்தானிகராலயத்திற்கு ஒரு தனிப்பட்ட வருகைக்காக வருவதாகக் கூறி ஒரு கடிதத்தை அனுப்பியிருந்தனர்.

 பிணை வழங்குவதை கடுமையாக எதிர்க்கின்றேன்

முந்தைய கியூபா பயணத்திற்கு, அதிகாரப்பூர்வ அரசு பயணம், ரூபா 5 மில்லியன் மட்டுமே செலவாகியது. இருப்பினும், இந்த தனிப்பட்ட பயணத்திற்கு ரூபா 1.66 மில்லியன் செலவிடப்பட்டது.

இந்த சம்பவம் பொது நிதியை தவறாகப் பயன்படுத்தியதாக கடந்த வாரம் நான் கூறியது தவறு. இல்லை, அது உண்மையல்ல. இது பொது நிதியை மோசடி செய்ததாகும்.

மேலும் இதன்படி சந்தேக நபருக்கு பிணை வழங்குவதை கடுமையாக எதிர்க்கின்றேன். இந்த சந்தேக நபருக்கு பிணை வழங்கப்பட வேண்டுமென்றால், முந்தைய நாள் முன்வைக்கப்பட்டதை விட அசாதாரணமான மற்றும் சிறப்பு வாய்ந்த உண்மைகள் முன்வைக்கப்பட வேண்டும்.

நீதவான் அவர்களே, இந்த நேரத்தில் சந்தேக நபர் தேசிய மருத்துவமனையில் இருக்கிறார். அரசியல்வாதிகள் உறவினர்களைப் போல சந்தேக நபரைப் பார்க்கப் போகிறார்கள்.

முன்னாள் ஜனாதிபதி மகிந்த ராஜபக்ச சந்தேக நபரைப் பார்க்க வந்து அவர் நல்ல உடல்நலத்துடன் இருப்பதாகக் கூறினார். எனவே, இந்த சந்தேக நபருக்கு பிணை பெற, பிரதிவாதி வழக்கறிஞர்கள் சாதாரணமான உண்மைகளை மட்டுமல்ல, அதற்கும் மேலதிகமான உண்மைகளையும் முன்வைக்க வேண்டும்.

அவர்கள் அவற்றை முன்வைக்கவில்லை என்றால், சந்தேக நபரை விசாரணை முடியும் வரை விளக்கமறியலில் வைக்குமாறு நான் கேட்டுக்கொள்கிறேன்”  என தெரிவித்தார்.

ரணிலுக்காக பாடுபடும் சுமந்திரன் ஒரு விலாங்குமீன் : யாழில் வெளியிடப்பட்ட குற்றச்சாட்டு

 வழக்கறிஞர் திலக் மாரப்பன

பின்னர் பிரதிவாதி சார்பாக முன்னிலையான ஜனாதிபதி வழக்கறிஞர் திலக் மாரப்பன, “நீதிபதி அவர்களே, இந்த வழக்கைத் தாக்கல் செய்வது நியாயமற்றது என்பதை நான் முதலில் கூற விரும்புகிறேன்.

ஏனென்றால் முன்னாள் ஜனாதிபதியை இந்த நிகழ்வுக்கு லார்ட் ஸ்வராஜ் பால் அழைத்திருந்தார். எனவே, ரணில் விக்ரமசிங்கே, வால்வர்ஹாம்டன் பல்கலைக்கழகத்தின் வேந்தராக பதவியேற்றதன் 25 ஆண்டுகளைக் கொண்டாடும் நிகழ்வில் ஒரு அழைப்பாளராகக் கலந்து கொண்டுள்ளார்.

அங்குதான் பட்டமளிப்பு விழா நடந்தது. எனவே, இதுபோன்ற ஒரு நிகழ்வில் பங்கேற்று நமது நாட்டைப் பற்றிய விவாதத்தை உருவாக்குவது பொது நிதியை தவறாகப் பயன்படுத்துவது அல்ல.

எதிர்தரப்பு நீங்கள் சொல்வது போல் கியூபாவின் செலவினங்களையும் இங்கிலாந்தின் செலவினங்களையும் ஒப்பிடுவது அபத்தமானது.

கேள்விக்குரிய ஆண்டிற்கான தேசிய தணிக்கை அலுவலகம் வெளியிட்ட அறிக்கையில் அத்தகைய உண்மை எதுவும் இல்லை. கோபாவிலும் அத்தகைய உண்மை வெளிப்படுத்தப்படவில்லை.

அத்தகைய சூழ்நிலையில், ஜனாதிபதி செயலகத்தின் ஒரு அதிகாரிக்கு அத்தகைய தணிக்கை நடத்த அதிகாரம் இல்லை. எனது கட்சிக்காரருக்கு 76 வயது. உங்கள் நீதிமன்றம் இன்று பிணை வழங்கவில்லை என்றால், அவர் அடுத்ததாக உயர் நீதிமன்றங்களுக்குச் செல்லலாம்.

அந்த வழக்குகள் அனைத்தும் முடிவடைய குறைந்தது 15 ஆண்டுகள் ஆகும். அவர் தடுப்புக் காவலில் வைக்கப்படுவாரா? அதுவரை அவர் உயிருடன் இருப்பார் என்று நான் நினைக்கவில்லை” என்றார்.

தனக்கு சொந்தமான காணியில் சிறைவைக்கப்பட்ட ரணில்

பிணையில் விடுவிக்குமாறு கோரிக்கை

பின்னர், பொது சொத்துச் சட்டத்தின் கீழ் சந்தேக நபரான ரணில் விக்ரமசிங்கவிற்கு பிணை பெறுவதற்கான குறிப்பிட்ட உண்மைகளை ஜனாதிபதி வழக்கறிஞர் அனுஜ பிரேமரத்ன,

"நீதிபதி அவர்களே, எனது கட்சிக்காரரின் தற்போதைய உடல்நிலையை நான் விளக்க விரும்புகிறேன். அவருக்கு இதய திசுக்களில் பாதிப்பு உள்ளன. இதயத்தின் 4 முக்கிய தமனிகளில் 3 அடைக்கப்பட்டுள்ளன. இதயத்திற்கு அருகில் இருப்பதால் அறுவை சிகிச்சை செய்ய முடியாது.

அவருக்கு நாள்பட்ட சிறுநீரக நோய் உள்ளது. அவருக்கு தூக்கத்தில் மூச்சுத்திணறல் (sleep apnea) நிலை உள்ளது. சில நேரங்களில் அவருக்கு 2-3 நிமிடங்கள் மூச்சுத்திணறல் ஏற்படும். குறட்டை சத்தத்தால் இந்த நிலையைப் புரிந்து கொள்ள முடியும்.

அனுபவம் வாய்ந்த ஒருவர் இதைப் புரிந்துகொள்ள வேண்டும். அவரது மனைவிக்கு பயிற்சி அளிக்கப்பட்டுள்ளது. இந்த நிலையில், அவர் தூங்கும் போது ஒரு CPAP இயந்திரத்துடன் இணைக்கப்படுகிறார். இது செய்யப்படாவிட்டால், இதயம் கூட நின்றுவிடும்.

அவருக்கு நுரையீரல் தொற்று உள்ளது. உடலில் சோடியம் குறைவாக உள்ளது. உயர் இரத்த அழுத்தம், தலைச்சுற்றல். திடீர் மாரடைப்பு ஏற்பட வாய்ப்புள்ளது. கணையத்தின் மேல் பகுதியில் தொற்று. இந்த நோய்கள் அனைத்தாலும், உடலின் நோய் எதிர்ப்பு சக்தி குறைந்துள்ளது.

சுருக்கமாகச் சொன்னால், அவருக்கு இருக்க வேண்டிய அனைத்து நோய்களும் உள்ளன. எனது கட்சிக்காரர் ரணில் விக்ரமசிங்க உயிருக்கு ஆபத்தான நிலையிலேயே உள்ளார்.

எனவே, இந்த சூழ்நிலையை விசேட சூழ்நிலையாகக் கருதி, அவரை பிணையில் விடுவிக்குமாறு கேட்டுக்கொள்கிறேன்" என்றார். 

ட்ரம்ப்பிடம் உதவி கோரிய ரணிலின் ஆதரவாளர்