அதிபர் தேர்தலில் ரணில் வெற்றிபெற மாட்டார் : உறுதியளித்த உதயங்க வீரதுங்க
எதிர்வரும் அதிபர் தேர்தலில் ரணில் விக்ரமசிங்க வெற்றிபெற மாட்டார் என ரஷ்யாவுக்கான இலங்கையின் முன்னாள் தூதுவர் உதயங்க வீரதுங்க தெரிவித்துள்ளார்.
இதேவேளை பொருளாதாரத்தை கட்டியெழுப்புவதில் அதிபரின் செயற்பாடுகள் மீது தனக்கு நம்பிக்கை இல்லை என்றும் அவர் குறிப்பிட்டுள்ளார்.
நேரடி விமான சேவை
எஸ்டோனியாவில் இருந்து இலங்கைக்கு நேரடி விமானம் ஒன்று நேற்று(20) முதல் முறையாக ஆரம்பிக்கப்பட்ட நிலையில் இது தொடர்பில் கருத்து வெளியிட்ட போதே அவர் இவ்வாறு தெரிவித்தார்.
அதன்படி 117 பயணிகளுடன் SkyUP விமானம் மத்தள ராஜபக்ச சர்வதேச விமான நிலையத்தை வந்தடைந்தது.
இந்த விமான சேவை குறித்து உதயங்க வீரதுங்க மேலும் கருத்து தெரிவிக்கையில்
16,500 சுற்றுலாப் பயணிகள்
“இந்த விமான சேவை மூலம் வாரத்திற்கு 05 விமானங்கள் மூலம் 06 நாடுகளைச் சேர்ந்த 16,500 சுற்றுலாப் பயணிகள் இலங்கைக்கு அழைத்து வரப்படுவார்கள்.
இதனால் 25 மில்லியன் டொலர்கள் வருமானம் எதிர்பார்க்கப்படுகின்றது.“ அவர் மேலும் தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
