ஜனவரி மாத சுற்றுலா வருமானத்தில் வீழ்ச்சி : வெளியான காரணம்

Central Bank of Sri Lanka Sri Lanka Tourism Tourism

By Sathangani Feb 08, 2026 05:35 AM GMT

Sathangani

in பொருளாதாரம்

Report

ஜனவரி மாதத்தில் மாத்திரம் இலங்கைக்கு வருகை தந்த சுற்றுலாப் பயணிகளினால், 378.5 மில்லியன் அமெரிக்க டொலர் வருமானம் கிடைக்கப்பெற்றுள்ளதாக இலங்கை மத்திய வங்கி தெரிவித்துள்ளது.

இது கடந்த ஆண்டு ஜனவரி மாதத்துடன் ஒப்பிடுகையில், 5.6 சதவீத வீழ்ச்சி என மத்திய வங்கி வெளியிட்டுள்ள அறிக்கையில் சுட்டிக்காட்டப்பட்டுள்ளது.

எனினும், கடந்த 2025 ஆம் ஆண்டு ஜனவரி மாதத்தில் பதிவான சுற்றுலாப் பயணிகளின் எண்ணிக்கையை விட நடப்பாண்டில் ஜனவரி மாதத்தில் நாட்டுக்கு வருகைத் தந்த சுற்றுலாப் பயணிகளின் எண்ணிக்கையில் 9.7 சதவீத வளர்ச்சியை காட்டியுள்ளது.

சுற்றுலாப் பயணிகள் வருகை

அதன்படி, குறித்த காலப்பகுதியில் இரண்டு இலட்சத்து 77, 327 என நாட்டுக்கு வருகை தந்துள்ளதாக தெரிவிக்கப்படுகின்றது.

ஜனவரி மாத சுற்றுலா வருமானத்தில் வீழ்ச்சி : வெளியான காரணம் | Reason For Decline In Tourism Revenue In January

முன்னதாக, கடந்த ஆண்டு ஒகஸ்ட் மாதத்திலிருந்து ஒரு சுற்றுலாப் பயணியின் தினசரி செலவு 171 அமெரிக்க டொலர்களாக இருந்துள்ளது.

எனினும், அந்த செலவு, தற்போது, 148 அமெரிக்க டொலர்களாகக் குறைந்துள்ளமையே, சுற்றுலா பயணிகள் மூலம் நாட்டுக்கு கிடைக்கப்பெறும் வருமானத்தில் ஏற்பட்ட வீழ்ச்சிக்கு காரணம் என இலங்கை சுற்றுலா அபிவிருத்தி அதிகார சபையினால் நடத்தப்பட்ட ஒரு கணக்கெடுப்பிலிருந்து தெரிய வந்துள்ளமை குறிப்பிடத்தக்கது.