காவல்துறை காவலில் இருந்தவர் திடீர் மரணம் : வெளியானது காரணம்
மாத்தளை காவல் நிலையத்தில் உள்ள ஒரு சிறையில் தடுத்து வைக்கப்பட்டிருந்த நபர்,கடந்த 20ஆம் திகதி அதிகாலைவேளை உடல்நலம் குன்றி, பின்னர் மருத்துவமனையில் அனுமதிக்கப்பட்ட பின்னர் உயிரிழந்தார்.
இவ்வாறு உயிரிழந்த நபரின் பிரேதப் பரிசோதனையில், அதிகப்படியான போதைப்பொருள் பயன்பாட்டே மரணத்திற்குக் காரணம் எனத் தெரியவந்துள்ளதாக காவல்துறை தெரிவித்துள்ளது.
பிரேதப் பரிசோதனையின் போது,சிக்கிய போதைப்பொருள்
பிரேதப் பரிசோதனையின் போது, அந்த நபரின் உடலின் பக்கவாட்டில் இருந்து 'ஐஸ்' என்ற போதைப்பொருள் அடங்கிய ஒரு பொட்டலமும் கண்டெடுக்கப்பட்டதாக காவல்துறை மேலும் தெரிவித்துள்ளது.

'ஐஸ்' என்ற போதைப்பொருளை வைத்திருந்ததாக சந்தேக நபர் கைது செய்யப்பட்டு, மாத்தளை காவல்நிலைய காவலில் வைக்கப்பட்டிருந்தார்.
மாத்தளை பொதுமருத்துவமனையில் உயிரிழப்பு
மாத்தளை காவல் நிலையத்தில் காவலில் இருந்தபோது ஏற்பட்ட உடல்நலக்குறைவு காரணமாக, மாத்தளை மாவட்ட பொது மருத்துவமனையில் அனுமதிக்கப்பட்டிருந்த நிலையில், அதிகாலை சுமார் 12.45 மணியளவில் அந்த சந்தேக நபர் உயிரிழந்ததாக காவல்துறை தெரிவித்துள்ளது.

இறந்தவர் கண்டி, அம்பிட்டியா, திலநாகமவைச் சேர்ந்த 36 வயதுடையவர் ஆவார்.
கிளிநொச்சியில் பெண் 7 பேரால் கூட்டுப் பாலியல் வன்கொடுமை - போராடிய மக்களை மிரட்டிய காவல்துறை - சபையில் அம்பலப்படுத்திய எம்.பி
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |