திலீபனின் சிலை அகற்றப்பட்ட விவகாரம் : மனித உரிமை ஆணைக்குழுவிற்கு பறந்த கடிதம்

யாழ்ப்பாணம் - நல்லூரில் வைக்கப்பட்ட திலீபனின் சிலை அகற்றப்பட்டமை தொடர்பான முறைப்பாடு மற்றும் விசாரணைக்கான கோரிக்கை கடிதம் ஒன்று சட்டத்தரணி தனுக ரனஞ்சக கஹந்தகமகேயினால் இலங்கை மனித உரிமை ஆணைக்குழுவின் தலைவருக்கு அனுப்பி வைக்கப்பட்டுள்ளது.

குறித்த நடவடிக்கைகள் சட்டத்திற்கு இணங்கவும், இலங்கை அரசியலமைப்பின் கீழ் உத்தரவாதம் அளிக்கப்பட்டுள்ள அடிப்படை உரிமைகளுக்கு உரிய மதிப்பளித்தும் மேற்கொள்ளப்பட்டனவா என்பதை ஆராயுமாறும் அவர் வலியுறுத்தியுள்ளார்.

மேலும் அந்தக் கடிதத்தில், சட்டத்தரணியான நான், தனுக்க ரனஞ்சக கஹந்தகமகே, 2026 செப்டெம்பர் 27 ஞாயிற்றுக்கிழமையன்று யாழ்ப்பாணத்தில் காவல்துறையினரால் திலீபனின் சிலை அகற்றப்பட்டதாகக் கூறப்படும் சம்பவம் குறித்து, இலங்கை மனித உரிமைகள் ஆணைக்குழுவின் தலையீட்டை வேண்டி இம்முறைப்பாட்டை மரியாதையுடன் சமர்ப்பிக்கிறேன்.

சிறிலங்கா அரசின் கோர முகத்தின் வெளிப்பாடு! சிறீதரன் காட்டம்

நினைவுகூரும் உரிமை

பொதுவெளியில் கிடைக்கப்பெற்ற தகவல்கள் மற்றும் அறிக்கைகளின்படி, குறித்த சிலை காவல்துறையினரால் அகற்றப்பட்டுள்ளது.

இச்சம்பவம், கருத்துச் சுதந்திரம், அமைதியான முறையில் நினைவுகூருதல், சமத்துவம் மற்றும் சமூகங்களுக்கு முக்கியத்துவம் வாய்ந்த நபர்கள் மற்றும் நிகழ்வுகளை நினைவுகூரும் உரிமை தொடர்பான விடயங்களில் பொதுமக்களிடையே கவலைகளை எழுப்பியுள்ளது.

அதிகாரிகளால் மேற்கொள்ளப்பட்ட நடவடிக்கைகள் சட்டத்திற்கு இணங்கவும், இலங்கை அரசியலமைப்பின் கீழ் உத்தரவாதம் அளிக்கப்பட்டுள்ள அடிப்படை உரிமைகளுக்கு உரிய மதிப்பளித்தும் மேற்கொள்ளப்பட்டனவா என்பதை ஆராயுமாறு ஆணைக்குழுவை நான் மரியாதையுடன் கேட்டுக்கொள்கிறேன்.

இதில் பின்வருவனவும் அடங்கும்:

1. உறுப்புரை 12 - சமத்துவத்திற்கான உரிமை மற்றும் சட்டத்தின் சமமான பாதுகாப்பு

2. உறுப்புரை 14(1)(அ) - சமத்துவத்திற்கான உரிமை மற்றும் சட்டத்தின் சமமான பாதுகாப்பு; - பேச்சு மற்றும் கருத்துச் சுதந்திரம்

3. உறுப்புரை 14(1)(ஆ) - அமைதியான முறையில் ஒன்றுகூடுவதற்கும் சங்கங்களை அமைப்பதற்குமான சுதந்திரம்.

சிறிலங்கா அரசின் கோர முகத்தின் வெளிப்பாடு! சிறீதரன் காட்டம்

விடுக்கப்பட்டுள்ள கோரிக்கைகள்

மேலும், பின்வருவன குறித்தும் ஆராயுமாறு ஆணைக்குழுவை நான் கேட்டுக்கொள்கிறேன்:

• சிலை அகற்றும் நடவடிக்கை சட்டபூர்வமான அதிகாரத்தின் கீழும் உரிய நடைமுறைகளைப் பின்பற்றியும் மேற்கொள்ளப்பட்டதா.
• அனைத்து சமூகங்களின் நினைவுகூரும் நிகழ்வுகள் தொடர்பாகவும் இதேபோன்ற நடைமுறைகள் சமமாகப் பின்பற்றப்படுகின்றனவா.
• அதிகாரிகளின் நடவடிக்கைகளால் எவரேனும் ஒருவரின் அடிப்படை உரிமைகள் பாதிக்கப்பட்டுள்ளனவா.

எனவே, இலங்கை மனித உரிமைகள் ஆணைக்குழுவிடம் நான் பின்வருவனவற்றை மரியாதையுடன் கேட்டுக்கொள்கிறேன்:

1. சிலை அகற்றப்பட்டதைச் சூழவுள்ள சூழ்நிலைகள் குறித்து சுயாதீனமான விசாரணையை மேற்கொள்ளுதல்.

2. இவ்நடவடிக்கைக்கான சட்ட அடிப்படை மற்றும் காரணங்கள் குறித்து சம்பந்தப்பட்ட காவல்துறை அதிகாரிகளிடமிருந்து அறிக்கையைப் பெறுதல்.

3. அடிப்படை உரிமைகள் மீறல் அல்லது பாகுபாடான நடத்தைகள் ஏதேனும் இடம்பெற்றுள்ளனவா என்பதை ஆராய்தல்.

4. மீறல் ஏதேனும் உறுதிப்படுத்தப்பட்டால், தகுந்த பரிந்துரைகளை அல்லது தீர்வு நடவடிக்கைகளை மேற்கொள்ளுதல்.

இஇம்முறைப்பாடு தொடர்பாக என்னிடம் உள்ள மேலதிக தகவல்கள், ஆவணங்கள் அல்லது சான்றுகளை வழங்க நான் தயாராக உள்ளேன்.” எனக் குறிப்பிடப்பட்டுள்ளது.

பாஸ்கரன் கந்தையா தனியாக புதிய கட்சி அமைக்க வேண்டும் : விடுக்கப்பட்டுள்ள கோரிக்கை

you may like this