ரஷ்யாவில் பல விமான சேவைகள் இரத்து
ரஷ்ய(russia) விமான நிறுவனமான ஏரோஃப்ளோட்(aeroflot), அதன் தகவல் அமைப்புகளில் ஏற்பட்ட குளறுபடிகளுக்கு பின்னர் இன்று(28) பல விமான சேவைகளை இரத்து செய்துள்ளது.
பிரச்சினைக்கான காரணம் அல்லது அதைத் தீர்க்க எவ்வளவு காலம் ஆகும் என்பது குறித்து தேசிய விமான நிறுவனம் மேலதிக விவரங்களை வழங்கவில்லை.
உக்ரைன் போரை அடுத்து அடிக்கடி தடைப்படும் விமானசேவை
பெப்ரவரி 2022 இல் ரஷ்யா, உக்ரைனில் போரைத் தொடங்கியதிலிருந்து, ரஷ்யாவில் பயணிகள் விமான இடையூறுகளுக்குப் பழக்கமாகிவிட்டனர். இருப்பினும், அந்த தாமதங்கள் பொதுவாக ட்ரோன் தாக்குதல்களுக்குப் பிறகு தற்காலிக விமான நிலைய மூடல்களால் ஏற்படுகின்றன.
"விமான அட்டவணையில் ஏற்படும் தாக்கத்தைக் குறைப்பதற்கும் சாதாரண சேவை நடவடிக்கைகளை மீட்டெடுப்பதற்கும் நிபுணர்கள் தற்போது பணியாற்றி வருகின்றனர்" என்று ஏரோஃப்ளோட் தெரிவித்தது.
40 ற்கும் மேற்பட்ட விமானசேவைகள் இரத்து
டெலிகிராமில், ரஷ்யா முழுவதும் உள்ள இடங்களுக்கும், பெலாரஷ்ய தலைநகர் மின்ஸ்க் மற்றும் ஆர்மீனிய தலைநகர் யெரெவனுக்கும் ரத்து செய்யப்பட்ட 40 க்கும் மேற்பட்ட விமானங்களை பட்டியலிட்டுள்ளது.
மொஸ்கோவின் ஷெரெமெட்டியேவோ விமான நிலையத்திலிருந்து விமானங்கள் ரத்து செய்யப்பட்ட பயணிகள் தங்கள் செக்-இன் பொருட்களை மீட்டெடுத்து வெளியேறுமாறு ஏரோஃப்ளோட் வலியுறுத்தியது.
விமான நிலையத்தில் குழப்பமான காட்சிகள் நிலவுவதாகவும், பயணிகள் வெளியே வர வரிசையில் நின்றதால் நெரிசல்கள் ஏற்பட்டதாகவும் பாசா செய்தி நிறுவனம் தெரிவித்துள்ளது.
தடைகளுக்கு மத்தியிலும் உலகளவில் 20 விமான நிறுவனங்களில் ஒன்று
உக்ரைனில் நடந்த போருக்காக ரஷ்யா மீது விதிக்கப்பட்ட தடைகள் இருந்தபோதிலும், பயண மற்றும் வழித்தடங்களை கடுமையாக மட்டுப்படுத்திய ஏரோஃப்ளோட், பயணிகள் எண்ணிக்கையின் அடிப்படையில் உலகளவில் முதல் 20 விமான நிறுவனங்களில் ஒன்றாக உள்ளது.
2024 ஆம் ஆண்டில், ஏரோஃப்ளோட் குழுமத்தின் பயணிகள் போக்குவரத்து 55.3 மில்லியன் பயணிகளை எட்டியதாக விமான நிறுவனத்தின் வலைத்தளத்தில் வெளியிடப்பட்ட அறிக்கையில் தெரிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herdecke, Germany
17 Jan, 2011
நயினாதீவு 5ம் வட்டாரம், நயினாதீவு, நுவரெலியா, வவுனியா, Mississauga, Canada
09 Jan, 2026
நயினாதீவு, நாரந்தனை, வேலணை, கரம்பொன், Toronto, Canada
12 Jan, 2026
