ஆசிரியர்களின் சம்பள அதிகரிப்பு : அமைச்சர் வெளியிட்ட முக்கிய அறிவிப்பு

Government Employee Teachers Prof. Chandana Abeyratne Salary

By Sathangani May 16, 2026 08:28 AM GMT

Sathangani

in சமூகம்

Report

அரசாங்கத்தின் கொள்கைகளுக்கு அமைய, ஆசிரியர் சேவையில் உள்ள சம்பளப் பிரச்சினைகளைத் தீர்ப்பதற்காக படிப்படியாக சம்பள உயர்வு வழங்கப்படும் என்று பொது நிர்வாக, மாகாண சபைகள் மற்றும் உள்ளூராட்சி அமைச்சர் சந்தன அபேரத்ன உறுதியளித்துள்ளார்.

இலங்கையில் அதிக வருமானம் பெறும் முதல் 10 தொழில்களுக்குள் ஆசிரியர் சேவையை உள்வாங்குவதே அரசாங்கத்தின் எதிர்பார்ப்பு என்றும் அவர் மேலும் சுட்டிக்காட்டினார்.

2021 ஆம் ஆண்டு முதல் தாமதமடைந்திருந்த ஆசிரியர் ஆட்சேர்ப்பு நடவடிக்கைகள் துரிதப்படுத்தப்பட்டுள்ளதாகவும், ஆயிரத்திற்கும் மேற்பட்ட ஆசிரியர்களை இணைத்துக்கொள்ள நிதி ஒதுக்கப்பட்டுள்ளதாகவும் அமைச்சர் குறிப்பிட்டுள்ளார்.

போட்டிப் பரீட்சைகள்

இதற்கான போட்டிப் பரீட்சைகள் எவ்வித அரசியல் தலையீடுகளுமின்றி வெளிப்படைத் தன்மையுடன் நடத்தப்படும் என்றும் அமைச்சர் சந்தன அபேரத்ன தெரிவித்தார்.

ஆசிரியர்களின் சம்பள அதிகரிப்பு : அமைச்சர் வெளியிட்ட முக்கிய அறிவிப்பு | Salary Increase For Teachers In Sri Lanka

நாட்டின் கல்வி முறையில் பாரிய மாற்றங்களை ஏற்படுத்த அரசாங்கம் திட்டமிட்டுள்ளதாக குறிப்பிட்ட அமைச்சர், எதிர்காலத்தில் தரம் 9 இல் தேசிய மட்டத்திலான பரீட்சையொன்றை நடத்த நடவடிக்கை எடுக்கப்படும் என்றும் தெரிவித்துள்ளார்.

இதன் மூலம் மாணவர்கள் தமது விருப்பத்திற்கேற்ப கல்வி அல்லது தொழிற்கல்வித் துறையைத் தேர்வு செய்ய முடியும் என்றும், இதற்காக 50 தொழிற்பயிற்சி நிலையங்கள் மேம்படுத்தப்படும் என்றும் அமைச்சர் தெரிவித்துள்ளமை குறிப்பிடத்தக்கது.