ஹவுதிகளின் ஏவுகணை வீச்சில் சவுதியின் அரம்கோ கோபுரம் சேதம்

Missile Saudi Arabia Yemen

By Jaso Nov 08, 2026 12:31 PM GMT

Jaso

in உலகம்

Report

இன்று(8.11)ஞாயிற்றுக்கிழமை யேமனில் இருந்து நடத்தப்பட்ட ஏவுகணைத் தாக்குதல் முயற்சியைத் தொடர்ந்து, சவுதி அரேபியாவின் அரசுக்குச் சொந்தமான எண்ணெய் நிறுவனமான சவுதி அரம்கோவுக்குச் சொந்தமான கோபுரம் ரியாத்தில் சேதமடைந்ததாக சவுதி அதிகாரிகள் தெரிவித்தனர்.

தலைநகரின் கிங் அப்துல்லா நிதி மாவட்டத்தில் உள்ள அரம்கோ கோபுரத்தில், இடைமறிக்கப்பட்ட ஏவுகணைகளிலிருந்து சிதறிய பாகங்கள் குறைந்த சேதத்தை ஏற்படுத்தியதாக சவுதி அரேபியாவின் எரிசக்தி அமைச்சகம் கூறியது. காயங்கள் அல்லது உயிரிழப்புகள் எதுவும் பதிவாகவில்லை.

ரியாத்தின் உயரமான கட்டங்களில் இதுவும் ஒன்று

ரியாத்தின் மிக உயரமான கட்டிடங்களில் ஒன்றான இந்தக் கோபுரத்தின் பல தளங்களில் ஜன்னல்கள் நொருங்கியிருந்ததை ரொய்ட்டர்ஸ் செய்தியாளர் ஒருவர் கண்டார்.

ஹவுதிகளின் ஏவுகணை வீச்சில் சவுதியின் அரம்கோ கோபுரம் சேதம் | Saudi Aramco Tower Damaged Missile Attack

யேமனின் ஈரான் ஆதரவு ஹவுதி கிளர்ச்சியாளர்கள் ரியாத்தை நோக்கி ஏவிய இரண்டு ஏவுகணைகளைத் தங்களது வான் பாதுகாப்பு அமைப்புகள் இடைமறித்ததாக சவுதி தலைமையிலான கூட்டணி அறிவித்ததைத் தொடர்ந்து இந்தச் சம்பவம் நிகழ்ந்துள்ளது.

சவுதி தலைநகர் முழுவதும் பல வெடிப்புச் சத்தங்கள்

ஒரு சாத்தியமான பாதுகாப்பு அச்சுறுத்தல் குறித்து நாட்டின் குடிமைப் பாதுகாப்பு முன்கூட்டியே எச்சரிக்கை விடுத்த சிறிது நேரத்திலேயே, இன்றைய தினம் சவுதி தலைநகர் முழுவதும் பல வெடிப்புச் சத்தங்கள் கேட்டன. உடனடி ஆபத்து நீங்கிவிட்டதாக அதிகாரிகள் பின்னர் அறிவித்தனர்.