அனோஜன் சிவராசா விரைவில் விடுதலை :அனைத்து குற்றச்சாட்டையும் நீக்கியது சவுதி அரசாங்கம்
முகநூல் பதிவு ஒன்றின் காரணமாக மரண தண்டனை விதிக்கப்பட்டிருந்த இலங்கை பிரஜை சிவராசா அனோஜன் மீதான அனைத்து சட்ட நடவடிக்கைகளையும் கைவிட சவூதி அரேபிய அதிகாரிகள் தீர்மானித்துள்ளதாக வெளிவிவகார அமைச்சர் விஜித ஹேரத் உறுதிப்படுத்தியுள்ளார்.
வெளிவிவகார அமைச்சரின் கூற்றுப்படி, சவூதி அரேபியாவின் பொது வழக்குத் தொடரும் அலுவலகம் (Public Prosecution), நவம்பர் 9, 2026 அன்று, இந்த வழக்கைத் தொடர்ந்து முன்னெடுக்க வேண்டாம் என்று தீர்மானித்தது. இதன் மூலம், அனோஜன் மீதான எஞ்சிய சட்ட நடவடிக்கைகள் அனைத்தும் முடிவுக்கு வந்துள்ளன.
சவூதி அரேபிய அதிகாரிகளால் ஆட்சேபனைக்குரியதாகக் கருதப்பட்ட முகநூல் பதிவு தொடர்பான குற்றச்சாட்டுகளுக்காக, அந்நாட்டின் கிழக்கு மாகாணத்தில் உள்ள மேன்முறையீட்டு நீதிமன்றம், செப்டம்பர் 17, 2026 அன்று அனோஜனுக்கு மரண தண்டனை விதித்திருந்தது.
ராஜதந்திர மற்றும் பிற தலையீடுகளைத் தொடர்ந்து, ஒக்டோபர் 14, 2026 அன்று சவூதி நீதிமன்றம் அவருக்கு விதிக்கப்பட்டிருந்த மரண தண்டனையை ரத்து செய்தது.
இருப்பினும், ஏனைய தண்டனைகள் நடைமுறையில் இருந்ததால், அவரை முழுமையாக விடுவிப்பதற்காக இலங்கை அதிகாரிகள் தொடர்ந்து ராஜதந்திர முயற்சிகளை மேற்கொண்டனர்.
சவூதி பொது வழக்குத் தொடரும் அலுவலகத்தின் இந்த புதிய தீர்மானமானது, அவர் மீதான எஞ்சிய சட்ட நடவடிக்கைகளை முடிவுக்குக் கொண்டு வந்துள்ளதுடன், அனோஜன் மீண்டும் இலங்கை திரும்புவதற்கான வழியையும் ஏற்படுத்தியுள்ளது.
அனோஜனை மீண்டும் இலங்கைக்கு அழைத்து வர அரசாங்கம் தேவையான நடவடிக்கைகளை எடுக்கும் என்று வெளிவிவகார அமைச்சர் விஜித ஹேரத் தெரிவித்தார்.
அவர் அடுத்த ஒன்று முதல் இரண்டு வாரங்களுக்குள் நாடு திரும்புவார் என்று எதிர்பார்க்கப்படுகிறது.
இதற்கிடையில், அனோஜனின் குடும்ப உறுப்பினர்கள் இன்று வெளிவிவகார அமைச்சிற்குச் சென்று, ஜனாதிபதி அனுர குமார திஸாநாயக்க, வெளிவிவகார அமைச்சு மற்றும் அவரது விடுதலையை உறுதி செய்யப் பணியாற்றிய அனைத்து அரச நிறுவனங்கள் மற்றும் அதிகாரிகளுக்கும் தமது நன்றியைத் தெரிவித்தனர்.
ஜனாதிபதி திஸாநாயக்கவின் வழிகாட்டல், வெளிவிவகார அமைச்சின் ராஜதந்திர தலையீடுகள் மற்றும் பிற அதிகாரிகளின் கூட்டு முயற்சியாலேயே இந்த முடிவு எட்டப்பட்டதாக அமைச்சர் ஹேரத் குறிப்பிட்டார்.
மேலும், சவூதி அரேபிய அரசாங்கம், அந்நாட்டு நீதித்துறை, சவூதி மற்றும் இலங்கை ராஜதந்திர அதிகாரிகள், மற்றும் இந்த வழக்கிற்காக சவூதி அரேபியாவிற்குச் சென்று உதவிய சட்டத்தரணிகள் குழுவிற்கும் அவர் தனது நன்றியைத் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மலேசியா, Malaysia, தெல்லிப்பழை, Wembley, United Kingdom
09 Oct, 2026
அல்லைப்பிட்டி, பிரான்ஸ், France
12 Nov, 2011
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
பருத்தித்துறை, London, United Kingdom
19 Oct, 2025
