பாடசாலை விண்ணப்பங்கள் தொடர்பான கல்வி அமைச்சின் விசேட அறிவித்தல்!
இலங்கையில் தரம் 1, 5, 6 மற்றும் உயர்தரம் தவிர்ந்த பிற இடைநிலை வகுப்புகளுக்கு மாணவர்களை இணைத்துக் கொள்வதற்கான 2024 ஆம் ஆண்டுக்குரிய விண்ணப்பங்கள் தொடர்பில் கல்வி அமைச்சு சுற்றறிக்கையொன்றை வெளியிட்டுள்ளது.
இதன்படி, எதிர்வரும் நாட்களில் மாணவர்களை பாடசாலைகளுக்கு இணைத்து கொள்வதற்கான விண்ணப்பங்கள் உரிய பாடசாலைகளில் நேரடியாக சமர்ப்பிக்கப்பட வேண்டுமென என குறிப்பிடப்பட்டுள்ளது.
விண்ணப்ப செயல்முறை
இவ்வாறாக விண்ணப்பங்கள் முன்வைக்கப்படும் பாடசாலைகளில் வெற்றிடங்கள் இருந்தால், அந்தந்த பாடசாலை அதிபர்கள் கல்வி அமைச்சின் சுற்றறிக்கையின்படி நேர்காணல்களை நடத்தி, தேர்ந்தெடுக்கப்பட்ட மாணவர்களின் பட்டியல் அமைச்சின் ஒப்புதலுக்காக சமர்ப்பிக்கப்படும்.
அத்துடன், தரம் 5 புலமைப்பரிசில் பரீட்சையின் பெறுபேறுகளின் அடிப்படையில் மாத்திரமே பாடசாலைகளில் தரம் 6 மாணவர்களுக்கான மாணவர் சேர்க்கை இடம்பெறுமென கல்வி அமைச்சு தெரிவித்துள்ளது.
நேர்முகத் தேர்வுகள்
இதேவேளை, 2024 ஆம் ஆண்டுக்கான மாணவர்களை தரம் ஒன்றிற்கு இணைத்துக் கொள்வதற்கான விண்ணப்பங்கள் குறித்த பாடசாலைகளுக்கு அனுப்பி வைக்கப்பட வேண்டும் என அமைச்சு கூறியுள்ளது.
இதனை தொடர்ந்து, குறித்த அதிபர்களால் நேர்முகத் தேர்வுகள் நடத்தப்படும் எனவும் பாடசாலைகளுக்கான அனுமதி கடிதங்களை கல்வி அமைச்சு வழங்காது எனவும் தெரிவிக்கப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026