பல்லாயிரக்கணக்கான பக்தர்களின் அரோகரா கோசத்துடன் தேரிலே எழுந்தருளிய செல்வச்சந்நிதியான்!

புதிய இணைப்பு

வரலாற்றுச் சிறப்பு மிக்க தொண்டைமானாறு - செல்வச்சந்நிதி முருகன் ஆலய முருகப்பெருமான் பல்லாயிரக்காணக்கான பக்தர்களின் அரோகரா கோசத்துடன் சித்திரத்தேரிலேறி பக்தர்களுக்கு அருட்காட்சியளித்தார்.

இன்று காலை 8.30 மணியளவில் நடைபெற்ற விசேட பூசை வழிபாடுகளைத் தொடர்ந்து உள்வீதி வலம் வந்த முருகப்பெருமான் காலை 9.40 மணியளவில் சித்திரத்தேரில் எழுந்தருளினார்.

விநாயகப் பெருமான் முன்னேயுள்ள தேரிலும், வள்ளி தெய்வானை சமேதரராய் முருகப்பெருமான் சித்திரத் தேரிலும் அமர்ந்து வெளிவீதியுலா வலம் வந்து அருட்காட்சியளிக்கின்றார்.

முதலாம் இணைப்பு

 வரலாற்றுச் சிறப்புமிக்க செல்வச் சந்நிதியானின் இரதோற்சவம் இன்று!

ஈழத்தின் பிரசித்தி பெற்ற ஆலயங்களில் ஒன்றான யாழ்ப்பாணம் - வடமராட்சி தொண்டைமானாறு செல்வச்சந்நிதி முருகன் ஆலய வருடாந்த மகோற்சவ பெருவிழாவின் தேர் திருவிழா இன்றாகும்.

அன்னதானக் கந்தன் என சிறப்பிக்கப்படும் முருகப்பெருமானுக்கு இன்று (27) காலை முதல் விசேட பூசைகள் இடம்பெறுகின்ற நிலையில் இதனைத் தொடர்ந்து முருகப்பெருமான தேரிலே எழுந்தருளுவார்.

அத்துடன் இன்றைய நாளில் ஏராளமான பக்த அடியார்கள் கலந்துகொண்டு தமது நேர்த்திக் கடன்களை நிறைவேற்றி வருகின்றனர்.

வரலாற்றுச் சிறப்புமிக்க செல்வச்சந்நிதி முருகன் ஆலய வருடாந்த மகோற்சவப் பெருவிழா கடந்த 13ஆம் திகதி அதிகாலை 1:45 மணியளவில் கொடியேற்றத்துடன் ஆரம்பமானது.

இந்தநிலையில் நேற்று (26) இரவு சப்பறத் திருவிழா மிகச்சிறப்பாக இடம்பெற்ற நிலையில் இன்று தேர்திருவிழா இடம்பெறுகின்ற நிலையில் நாளை (28) தீர்த்தத் திருவிழா இடம்பெறவுள்ளமை குறிப்பிடத்தக்கது.

செல்வச் சந்நிதியானின் சப்பறத் திருவிழா

ஈழத்தமிழினப்படுகொலைக்கான நீதிக்காக உழைத்த அருட்தந்தை ஜாவியர் கிரால்டோ மொரேனோ மறைந்தார்

இந்தியாவில் அகதிகளாக வாழும் தமிழர்கள் - யாழில் அமைச்சர் வெளியிட்ட அறிவிப்பு