தமிழ் மக்களை சிதைப்பதற்காக சிங்களப் பேரினவாதம் பல வழிகளைக் கையாள்கின்றது : சிறிநேசன் ஆதங்கம்

Sri Lankan Tamils Sri Lanka

By Sathangani Feb 26, 2024 10:27 AM GMT

Sathangani

in அரசியல்

Report

ஒற்றுமையாக இருக்கின்ற தமிழ் மக்களைப் பிரிப்பதற்காக சிங்களப் பேரினவாதம் பல வழிகளைக் கையாள்கின்றது என மட்டக்களப்பு மாவட்ட முன்னாள் நாடாளுமன்ற உறுப்பினர் எஸ். சிறிநேசன் தெரிவித்துள்ளார்.

இதேவேளை கடந்த காலங்களில் வரவு செலவுத்திட்டத்தில் தங்களுக்குச் சார்பாக வாக்களிக்க வைப்பதற்காக தமிழ் மக்கள் பணயம் வைக்கப்பட்டனர் என அவர் மேலும் குறிப்பிட்டார்.

சாவகச்சேரியில் நேற்று (25) நடைபெற்ற “தடைகளை வெல்லும் தமிழ்த் தேசியம்“ என்ற நிகழ்ச்சியில் கலந்துகொண்டு கருத்துத் தெரிவிக்கும் போதே அவர் இவ்வாறு குறிப்பிட்டுள்ளார். இங்கு அவர் மேலும் கருத்துத் தெரிவிக்கையில்

வரவு செலவுத் திட்டத்தில்

“ஒற்றுமைப்பட்டு நிற்கின்ற தமிழ் மக்களை அவர்களை பிரிப்பதற்காக அவர்களின் ஒற்றுமையைச் சிதைப்பதற்காக சிங்களப் பேரினவாதம் ஐந்து “ப” க்களை பயன்படுத்துகின்றது.

தமிழ் மக்களை சிதைப்பதற்காக சிங்களப் பேரினவாதம் பல வழிகளைக் கையாள்கின்றது : சிறிநேசன் ஆதங்கம் | Sinhalese Uses Many Methods To Distort The Tamils

அவை பணம் கொடுத்தல், பதவி கொடுத்தல், பயமுறுத்தல், பணயம் வைத்தல், படுகொலை செய்தல் என்பவையாகும்.

கடந்த காலங்களில் வரவு செலவுத்திட்டத்தில் தங்களுக்குச் சார்பாக வாக்களிக்க வைப்பதற்காக பணயம் வைக்கப்பட்ட சம்பவங்களும் உண்டு.

தமிழ்த் தேசியத்தின் வழி

எமது அரசியல் சக்திகள் காலத்துக்குக் காலம் தமிழ்த் தேசியப் பாதையில் நின்று தடம் மாறுகின்ற போது அல்லது தங்களை அறியாமல் தடம் புரளுகின்ற போது சிறுவர்கள் தவறு விடும்போது அவர்களுக்கு சரி, பிழைகளை எடுத்துச் சொல்லி வழிப்படுத்துவது போல். எமக்கு ஒரு மூதவை அவசியம்.

அந்த மூதவையில் சுயநலமற்ற புத்திஜீவிகள், ஆன்மீகத் தலைவர்கள் போன்றோர் காணப்பட வேண்டும். அவர்கள் தமிழ்த் தேசியத்தின் வழி நின்று தவறுகின்ற அரசியல் சக்திகளை வழிநடத்துபவர்களாக இருக்கவேண்டும்.“ என தெரிவித்தார்.