இலங்கையின் 76ஆவது சுதந்திர தினம் : கௌரவ அதிதியாக தாய்லாந்து பிரதமர்
தாய்லாந்து பிரதமர் ஸ்ரேத்தா தவிசின் (Srettha Thavisin) ரணில் விக்ரமசிங்கவின் அழைப்பின் பேரில் இரண்டு நாள் உத்தியோகபூர்வ விஜயத்தை மேற்கொண்டு எதிர்வரும் பெப்ரவரி மாதம் 03ஆம் 04 ஆம் திகதிகளில் இலங்கைக்கு வரவுள்ளார்.
இலங்கையின் 76ஆவது சுதந்திர தின நிகழ்வில் கௌரவ அதிதியாக தாய்லாந்து பிரதமர் கலந்து கொள்வார் என இலங்கை வெளிவிவகார அமைச்சு தெரிவித்துள்ளது.
இந்த விஜயத்தின் போது தாய்லாந்து பிரதமர் அதிபர் ரணில் விக்ரமசிங்கவுடன் உத்தியோகபூர்வ பேச்சுக்களை நடத்துவதுடன் இலங்கை தாய்லாந்து சுதந்திர வர்த்தக உடன்படிக்கை கைச்சாத்திடப்படுவதை அவதானிக்கவுள்ளார்.
சுதந்திர வர்த்தக உடன்படிக்கை
சுதந்திர வர்த்தக உடன்படிக்கையில் தாய்லாந்தின் பிரதி பிரதமரும் வர்த்தக அமைச்சருமான பூம்தாம் வெச்சயச்சாய் (Phumtham Wechayachai) மற்றும் இலங்கையின் வர்த்தகம் மற்றும் உணவுப் பாதுகாப்பு அமைச்சர் நளின் பெர்னாண்டோ ஆகியோர் கையெழுத்திடவுள்ளனர்.
இலங்கை – தாய்லாந்து சுதந்திர வர்த்தக உடன்படிக்கையானது இரு நாடுகளுக்கும் இடையிலான வர்த்தக மற்றும் முதலீட்டு உறவுகளை மேம்படுத்துவதுடன், ஆசிய நாடுகளின் பொருளாதாரங்களுடன் இலங்கையை மேலும் ஒருங்கிணைக்கும் என எதிர்பார்க்கப்படுகிறது.
மேலும், இரு நாடுகளுக்கும் இடையில் தற்போதுள்ள விமான சேவை ஒப்பந்தத்தை புதுப்பிக்க இரு தரப்பும் எதிர்பார்க்கின்றதுடன் இலங்கை இரத்தினங்கள், ஆபரண ஆராய்ச்சி, பயிற்சி நிறுவனம், தாய்லாந்து இரத்தினங்கள் மற்றும் ஆபரண நிறுவனங்களுக்கு இடையே புரிந்துணர்வு ஒப்பந்தமும் கையெழுத்திடப்பட உள்ளது.
இலங்கை - தாய்லாந்து வர்த்தக மன்றம்
தாய்லாந்தின் வர்த்தக அமைச்சின் கீழ் உள்ள சர்வதேச வர்த்தக ஊக்குவிப்பு மற்றும் வர்த்தக ஊக்குவிப்பு திணைக்களம், இலங்கை வர்த்தக திணைக்களம் மற்றும் இலங்கை வர்த்தக சம்மேளனம் இணைந்து ஏற்பாடு செய்த இலங்கை - தாய்லாந்து வர்த்தக மன்றம் கொழும்பு கிங்ஸ்பரி ஹோட்டலில் நடைபெறவுள்ளது.
இந்த விஜயத்தின் போது, தாய்லாந்து பிரதமருடன், தாய்லாந்தின் பிரதிப் பிரதமரும் வர்த்தக அமைச்சருமான Phumtham Wechayachai, பிரதி வெளிவிவகார அமைச்சர் Jakkapong Sangmanee மற்றும் உயர்மட்ட வர்த்தகப் பிரதிநிதிகள் உட்பட 39 பேர் கொண்ட தூதுக்குழுவினர் வருகை தரவுள்ளனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
