இலங்கை அணி தலைவரை மாற்றியமைக்கு இதுவே காரணம்: வெளிப்படையாக கூறிய பிரபல வீரர்
இலங்கை கிரிக்கெட் அணி தலைவராக இருந்த தசுன் ஷானக உபாதை காரணமாகவே தலைவர் பதவியில் இருந்து நீக்கப்பட்டதாக இலங்கை அணியின் பயிற்றுவிப்பு ஆலோசகர் மஹேல ஜயவர்தன தெரிவித்துள்ளார்.
இலங்கை கிரிக்கெட் நிறுவனத்தில் இன்று (12.11.2023) இடம்பெற்ற செய்தியாளர் சந்திப்பில் வைத்தே அவர் மேற்கண்டவாறு குறிப்பிட்டுள்ளார்.
மேலும், இலங்கை கிரிக்கெட் அணியின் தலைவர் பதவியில் இருந்து தசுன் ஷானகவை நீக்குவதற்காக எந்தவித அழுத்தங்கள் பிரயோகிக்கப்படவில்லை என்றும் அவர் சுட்டிக்காட்டியுள்ளார்.
வைத்திய ஆலோசனை
அவருக்கு இரண்டு அல்லது மூன்று வாரங்கள் ஓய்வு வேண்டும் என வைத்தியர்களால் ஆலோசனை வழங்கப்பட்டமையாலேயே தசுன் ஷானகக்கு பதிலாக சாமிகாவை அழைத்து செல்ல வேண்டிய தேவை ஏற்பட்டது என்றும் கூறியுள்ளார்.
அதேவேளை, இலங்கை கிரிக்கெட்டின் ஐசிசி தடை விரைவில் நீக்கப்பட்டு இலங்கை அணி விளையாட அனுமதிக்கப்படும் என்ற எதிர்பார்ப்பார்ப்பில் இருப்பதாகவும் அவர் குறிப்பிட்டுள்ளார்.
