தொடரும் ஆளும் தரப்பின் அரசியல் பழிவாங்கல்...! மொட்டு பகிரங்க குற்றச்சாட்டு
தற்போதைய அரசாங்கமானது சமூக மாற்றம் மற்றும் நல்லாட்சியை ஏற்படுத்துவதற்குப் பதிலாக அரசியல் எதிரிகளை அடக்குவதையும் பழிவாங்குவதையுமே முதன்மை இலக்காகக் கொண்டு செயற்பட்டு வருவதாக குற்றம் சாட்டப்பட்டுள்ளது.
சிறிலங்கா பொதுஜன பெரமுனவின் (SLPP) முன்னாள் நாடாளுமன்ற உறுப்பினர் சஞ்சீவ எதிரிமான்ன (Sanjeewa Edirimanna) இதனை தெரிவித்துள்ளார்.
ஊடகங்களுக்கு கருத்து தெரிவிக்கும் போதே அவர் இதனை தெரிவித்துள்ளார்.
அரசியலமைப்பு
இது தொடர்பில் மேலும் தெரிவித்த அவர்,
தேர்தல் பிரசாரங்களின் போது ஜனதா விமுக்தி பெரமுன (JVP) மற்றும் தேசிய மக்கள் சக்தி (NPP) அளித்த புதிய அரசியல் கலாசாரம் மற்றும் அரசியலமைப்பு மறுசீரமைப்பு குறித்த வாக்குறுதிகள், தற்போதைய ஆட்சியாளர்களின் சர்வாதிகாரப் போக்கிற்கு முற்றிலும் முரணாக உள்ளது என அவர் சுட்டிக்காட்டியுள்ளார்.
ஜனநாயகத்தின் அடிப்படை உரிமைகளைப் பாதுகாக்கும் அதிகாரங்களை வெளிப்படைத்தன்மையற்ற முறையில் வெளிப்புறக் கண்காணிப்பு அமைப்புகளுக்கு மாற்றி நீதித்துறையின் சுயாதீனத்தைச் சீர்குலைக்க அரசாங்கம் முயல்வதாக அவர் குற்றம் சாட்டியுள்ளார்.
பலமான எதிர்க்கட்சிகள் இல்லாத அரசியல் வெற்றிடத்தை உருவாக்கும் நோக்கிலேயே புதிய இடைக்கால விதிகள் மற்றும் நடைமுறைகள் நடைமறைப்படத்துவதாக எதிரிமான்ன எச்சரித்துள்ளார்.
அடிப்படை உரிமை
அரசியலமைப்பால் மக்களுக்கு வழங்கப்பட்டுள்ள அடிப்படை உரிமைகளை மீறும் வகையில் புதிய சட்டங்களை இயற்றுவதற்கு எந்தவொரு அரசாங்கத்திற்கும் சட்டப்பூர்வமான அல்லது தார்மீக உரிமை இல்லை என அவர் வலியுறுத்தியுள்ளார்.
ஹோமாகம காவல் நிலையத்தில் கைது செய்யப்பட்ட இளைஞன் உயிரிழந்த சந்தேகத்திற்கிடமான சம்பவம், ஜனாதிபதி உள்ளிட்ட அரசாங்கத்தின் கவனத்தை ஈர்க்கவில்லையா என அவர் கேள்வி எழுப்பியுள்ளார்.
தவறிழைத்தவர்களுக்குத் தண்டனை வழங்கும் சட்டப்பூர்வ அதிகாரம் நீதித்துறைக்கு மட்டுமே உள்ளது என்பதை நினைவூட்டிய அவர், காவல்துறை காவலில் சந்தேகநபர்கள் உயிரிழக்கும் அளவுக்குச் சூழல் மனிதநேயமற்றதாக மாறியுள்ளது குறித்துக் கவலை வெளியிட்டுள்ளார்.
தடுப்புக்காவலில் உள்ளவர்களின் மனித உரிமைகளைப் பாதுகாக்கவும், இத்தகைய சம்பவங்களைத் தடுக்கவும் உடனடியாகச் சட்ட மறுசீரமைப்புகள் செய்யப்பட வேண்டும் எனவும் அவர் கோரிக்கை விடுத்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
