தந்தையின் தாக்குதலில் படுகாயமடைந்த மாணவன் வைத்தியசாலையில்
தந்தை தலையிலும் கால்களிலும் பிரம்பால் தாக்கியதில் படுகாயமடைந்த மகன் இன்று (04) காலை மீகஹகிவுல வைத்தியசாலையில் அனுமதிக்கப்பட்டுள்ளதாக காவல்துறையினர் தெரிவித்தனர்.
அரவ திக்யாய குருபங்வல பிரதேசத்தில் வசிக்கும் 13 வயதுடைய பாடசாலை மாணவனே வைத்தியசாலையில் அனுமதிக்கப்பட்டுள்ளார்.
காடுகளை அகற்றுமாறு உத்தரவிட்ட தந்தை
பாடசாலை முடிந்த உடனேயே, தனது தோட்டத்திற்கு அருகில் உள்ள காடுகளை அகற்றுமாறு தந்தை உத்தரவிட்டார், அதைச் செய்யாததால் கோபமடைந்த தந்தை மாணவனைத் தாக்கினார்.
வீட்டில் இருந்த பிரம்பை எடுத்து வந்து மகன் மீது தலை மற்றும் கால்களில் பலமுறை அடித்ததாகவும், அதனை தடுக்க முயன்ற போது தன்னையும் தாக்கியதாகவும் மாணவனின் தாய் காவல்துறையில் முறைப்பாடு செய்துள்ளார்.
சம்பவம் தொடர்பான விசாரணைகளை
இதற்கு முன்னரும் பல சந்தர்ப்பங்களில் தந்தை பிள்ளையை பாடசாலை முடிந்தவுடன் உடனடியாக காட்டை வெட்டுமாறு கட்டளையிட்டதாகவும், அவ்வாறு செய்யாத போது மகனை தாக்கியதாகவும் தாய் காவ்துறையில் முறைப்பாடு செய்துள்ளார்.
சம்பவம் தொடர்பான விசாரணைகளை அரவ காவல் நிலையத்தினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
