நாட்டில் சிறப்பு டெங்கு கட்டுப்பாட்டுத் திட்டம்
நாட்டில் எதிர்வரும் 8, 9 மற்றும் 10 ஆகிய திகதிகளில் சிறப்பு டெங்கு ஒழிப்புத் திட்டத்தைச் செயல்படுத்த சுகாதார அமைச்சு தீர்மானித்துள்ளது.
அதன்படி, இந்தத் திட்டம் 14 மாவட்டங்களில் உள்ள 74 சுகாதார மருத்துவ அலுவலர் (MOH) பிரிவுகளில் செயல்படுத்தப்படும் என அமைச்சு தெரிவித்துள்ளது.
இந்த முயற்சிக்கு காவல்துறை மற்றும் முப்படைகளின் உதவி பெறப்படும் என தேசிய டெங்கு கட்டுப்பாட்டு பிரிவு (NDCU) தெரிவித்துள்ளது.
அடையாளம் காணப்பட்ட பகுதி
டெங்கு பரவும் அபாயம் அதிகமாக உள்ளதாக அடையாளம் காணப்பட்ட பகுதிகளுக்குச் சிறப்பு கவனம் செலுத்தப்படும்.
நுளம்புகள் இனப்பெருக்கம் செய்வதற்கு உகந்த சூழலைப் பராமரிக்கும் நபர்கள் மீது சிவப்பு அறிவிப்புகள் வெளியிடப்பட்டு, சட்ட நடவடிக்கை எடுக்கப்படும் என்று தேசிய டெங்கு கட்டுப்பாட்டு பிரிவு மேலும் தெரிவித்துள்ளது.
யாழில் சட்ட நடவடிக்கை
இந்நிலையில் யாழ். சங்கானை பிரதேசத்தில் தொடர்ச்சியாக டெங்கு கட்டுபாட்டு நடவடிக்கைகள் மேற்கொள்ளப்பட்டு வருகின்றன.
அந்த வகையில் கடந்த 02.06.2026 ம் திகதி சுழிபுரம் பொது சுகாதார வைத்திய அதிகாரி பிரிவில் பொது சுகாதார பரிசோதகர்களால் டெங்கு கட்டுப்பாட்டு பரிசோதனை மேற்கொள்ளப்பட்டது.
இதன்போது டெங்கு நுளம்பு குடம்பி பெருக்கத்திற்கு ஏதுவாக சூழலை பேணிய ஒருவர் அடையாளம் காணப்பட்டார்.
குறித்த நபரிற்கு எதிராக பொது சுகாதார பரிசோதகரால் மல்லாகம் நீதிமன்றில் வழக்கு 04.06.2026ம் திகதி தாக்கல் செய்யப்பட்டது.
வழக்கினை விசாரணை செய்த நீதவான் 5000/= தண்டம் விதித்துடன் கடுமையான எச்சரிக்கையும் வழங்கினார்.
செய்தி - தீபன்
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
