மட்டக்களப்பில் நிலவும் தண்ணீர் பற்றாக்குறையைத் தீர்ப்பதற்கான சிறப்புத் திட்டம்
மட்டக்களப்பு மற்றும் மொனராகலை மாவட்டங்களில் நிலவும் குடிநீர் பற்றாக்குறைக்குத் தீர்வாக, நிலத்தடி நீரைப் பெறும் திட்டம் ஒன்று தொடங்கப்பட்டுள்ளது.
இத்திட்டத்தின் முதற்கட்டப் பணிகள் இன்று மொனராகலை மாவட்டத்தில் ஆரம்பமாகியுள்ளதாக நீர்பாசன திணைக்களம் தெரிவித்துள்ளது.
எல் நினோ வானிலையால் மேலும் மோசமடைந்துள்ள தற்போதைய வறண்ட வானிலையால் பாதிக்கப்பட்ட 75,000-க்கும் மேற்பட்ட மக்களுக்கு ஏழு மாவட்டங்களில் குடிநீர் வழங்கப்பட்டு வருவதாகப் பேரிடர் மேலாண்மை மையம் தெரிவித்துள்ளது.
வறண்ட வானிலை
மொனராகலை, பதுளை, பொலன்னறுவை, ஹம்பாந்தோட்டை, இரத்தினபுர, மட்டக்களப்பு மற்றும் அம்பாறை ஆகிய பகுதிகளில் உள்ள பல பிரதேச செயலகப் பிரிவுகள் வறண்ட வானிலையால் கடுமையாகப் பாதிக்கப்பட்டுள்ளன.
இந்த மாவட்டங்களில் பாதிக்கப்பட்ட மக்களின் மொத்த எண்ணிக்கை 84,500-ஐத் தாண்டியுள்ளது.
மொனராகலையில், எட்டு பிரதேச செயலகப் பிரிவுகளில் உள்ள 75 கிராம அலுவலர் பிரிவுகளில் சுமார் 15,000 குடும்பங்கள் தற்போது வறட்சியால் பாதிக்கப்பட்டுள்ளன.
குறிப்பாக சியம்பலாண்டுவ மற்றும் மடகம பிரதேச செயலகப் பிரிவுகள் மாவட்டத்தில் மிகவும் மோசமாகப் பாதிக்கப்பட்ட பகுதிகளாகும்.
தற்போது 39 தண்ணீர் டேங்கர்கள் மூலம் குடிநீர் குறித்த பகுதிகளுக்கு விநியோகிக்கப்பட்டு வருகிறமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
