சட்டவிரோத நெல் கொள்வனவு : வியாபாரிகளின் தராசுகள் பறிமுதல்
நெல் கொள்வனவில் ஈடுபட்டுவரும் மட்டக்களப்பைச் சேர்ந்த 8 வியாபாரிகளின் தராசுகளை கைப்பற்றி அளவீட்டு அலகுகள் நியமங்கள் மற்றும் சேவைகள் திணைக்களம் வழக்குப் பதிவு செய்துள்ளதாக தகவல்கள் வெளியாகியுள்ளது.
நேற்றைய தினம் (07) திடீரென இடம்பெற்ற சோதனை நடவடிக்கையின் போது மட்டக்களப்பில் விவசாயிகளிடம் சட்டவிரோத தராசுகள் மூலம் நெல் கொள்வனவில் ஈடுபட்டுவரும் வியாபாரிகளின் தராசுகள் சோதனை செய்யப்பட்டது.
சட்டவிரேத தராசு
இதன்போது சட்டவிரேத தராசு மூலம் மோசடியாக நெல் கொள்வனவு செய்துவந்த 8 வியாபாரிகளின் தராசுகள் கைப்பற்றப்பட்டதுடன் அவர்களுக்கு எதிராக வழக்கு தாக்கல் செய்ய நடவடிக்கை எடுக்கப்பட்டுள்ளதாக அளவீட்டு திணைக்களத்தின் மட்டக்களப்பு அம்பாறை மாவட்டங்களுக்கான பணிப்பாளர் வி.விக்கினேஸ்வரன் தெரிவித்தார்.
மட்டக்களப்பு மாவட்டத்தில் தற்போது வேளாண்மை அறுவடை இடம்பெற்றுவரும் நிலையில் விவசாயிகளிடம் இருந்து நெல்லை கொள்வனவு செய்துவரும் வெளிமாவட்ட வியாபாரிகள் தராசுகள் மூலம் மோசடி செய்து விவசாயிகளிடம் நெல்லை கொள்வனவு செய்துவருவதாக விவசாயிகள் மாவட்ட அரசாங்க அதிபர் திருமதி முரளிதரனின் கவனத்திற்கு கொண்டு வந்திருந்தனர்.
இந்த நிலையில் வயல்பகுதிகளில் நெல் கொள்வனவில் ஈடுபட்டுவரும் வியாபாரிகளின் தராசுகளை பரிசோதனை செய்யுமாறு அரசாங்க அதிபர் அளவீட்டு அலகுகள் நியமங்கள் மற்றும் சேவைகள் திணைக்கள பணிப்பாளருக்கு உத்தரவு பிறப்பித்தார்.
சுற்றிவளைப்பு நடவடிக்கை
இதனையடுத்து மாவட்ட பணிப்பாளர் விக்கினேஸ்வரன் தலைமையில் செங்கலடி பிரதேசத்திலுள்ள வயல் பகுதிகளில் லொறிகளில் நெல் கொள்வனவு செய்துவரும் வியாபரிகளைத் தேடி முற்றுகையிட்டு அவர்களின் தராசுகளை பரிசோதனை செய்தனர்.
இதில் அரச அனுமதியற்ற 5 தராசுகளும் அளவையில் மோசடி செய்யப்பட்ட 3 தராசுகளும், உள்ளடங்கலாக 8 தராசுகளைக் கைப்பற்றியதுடன் 8 வியாபரிகளுக்கு எதிராக நீதிமன்றத்தில் வழக்கு தாக்கல் செய்ய நடவடிக்கை எடுக்கப்பட்டுள்ளதுடன், கைப்பற்றப்படட தராசுகளையும் உத்தியோகத்தர் குழு எடுத்துச் சென்றுள்ளது.
இந்த முற்றுகையில் கைப்பற்றி கொண்டுவரப்பட்ட தராசுகளை அளவீட்டு அலகுகள் நியமங்கள் மற்றும் சேவைகள் திணைக்களத்திற்கு அரசாங்க அதிபர் நேரடியாக சென்று பார்வையிட்டதுடன் தொடர்ந்தும் இந்த சுற்றிவளைப்பு நடவடிக்கையை மேற்கொள்ளுமாறு அவர்களுக்கு பணித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
