கதவுகளை தகர்த்தெறிந்து மாளிகைக்குள் நுழைந்த மக்கள்!! கோட்டாபயவுக்கு ஏற்பட்ட நிலை

Galle Face Protest Gota Go Home 2022 SL Protest Sri Lanka Anti-Govt Protest

By Vanan Jul 09, 2022 08:31 AM GMT

Vanan

in அரசியல்

Report

இலங்கையில் மிகப்பெரிய அரசியல் மாற்றம்

இன்றைய போராட்டத்தின் மூலம் இலங்கையில் மிகப்பெரிய ஒரு அரசியல் மாற்றம் உருவாகவுள்ளதாக துறைசார் அவதானிகள் எதிர்வுகூறியுள்ளனர்.

கொழும்பில் உள்ள அரச தலைவர் கோட்டாபய ராஜபக்சவின் உத்தியோகபூர்வ இல்லம் தற்போது போராட்டக்காரர்களின் பூரண கட்டுப்பாட்டின் கீழ் வந்துள்ளது. அரச தலைவரின் இல்லத்தின் கதவுகளை மக்கள் தகர்த்தெறிந்து மாளிகைக்குள் நுழைந்துள்ளனர்.

அரச தலைவர் மாளிகைக்கு செல்லும் வீதிகளில் கடுமையான பாதுகாப்பு ஏற்படுத்தப்பட்டிருந்த போதிலும் தடைகளைத் தாண்டி பொதுமக்கள் உள்ளே நுழைந்துள்ளனர்.

தடைகளைத் தாண்டி பொதுமக்கள் உள்ளே நுழைவு

கதவுகளை தகர்த்தெறிந்து மாளிகைக்குள் நுழைந்த மக்கள்!! கோட்டாபயவுக்கு ஏற்பட்ட நிலை | Sri Lanka Anti Govt Protest Update Live News

இந்த நிலையில் இலங்கை வரலாற்றில் முதன் முறையாக அரச தலைவர் ஒருவருக்கு எதிராக முன்னெடுக்கப்பட்ட மாபெரும் போராட்டமாக இது பார்க்கப்படுகின்றது.

அரச தலைவர் மாளிகைக்குள் மக்கள் நுழைந்து தமது உச்சக்கட்ட எதிர்ப்பினை வெளிப்படுத்தும் அளவிற்கு எதிர்ப்பினை சம்பாதித்த, வரலாற்றில் ஒரே அரச தலைவராக கோட்டாபய ராஜபக்ச பதிவாகியுள்ளார்.

வரலாற்றில் பதிவான கோட்டாபய

கடந்த மே மாதம் 9ஆம் திகதி நடத்தப்பட்ட போராட்டத்தின் மூலம் முன்னாள் பிரதமர் மகிந்த ராஜபக்ச தனது பிரதமர் பதவியில் இருந்து விலகியிருந்தார்.

அதனைத் தொடர்ந்து நடந்த போராட்டங்களின் மூலம், பல அரசியல் மாற்றங்கள் நிகழந்திருந்தன. இந்த நிலையில் இன்றைய போராட்டத்தின் மூலம் மிகப்பெரிய ஒரு அரசியல் மாற்றம் எதிர்பார்க்கப்படுகின்றது.

மேலும் இது தொடர்பான செய்திகளைப் படிக்க இங்கே கிளிக் செய்யவும்