இலங்கை மக்களிடையே அதிகரிக்கும் வறுமை - அறிக்கையில் வெளியான அதிர்ச்சி தகவல்

Sri Lanka Economic Crisis World Bank Economy of Sri Lanka World Economic Crisis Ministry of Digital Economy

By Thulsi Oct 24, 2026 05:12 AM GMT

Thulsi

in சமூகம்

Report

இலங்கையின் பொருளாதாரம் ஒரு குறிப்பிடத்தக்க மைல்கல்லை எட்டியுள்ளதுடன், நெருக்கடிக்கு முந்திய நிலையை அடைந்துள்ளதாக உலக வங்கி குழு தெரிவித்துள்ளது.

எனினும், மீட்சியானது முழுமையடையாமலும் சமச்சீரின்றியும் காணப்படுவதுடன், குடும்ப வருமானங்களும் தொழிலாளர் சந்தையின் விளைவுகளும் பரந்த பொருளாதார மீட்சிக்கு இன்னும் பின்தங்கிய நிலையிலேயே உள்ளன என உலக வங்கியின் (World Bank) குழு தனது அரையாண்டுப் பொருளாதாரக் கண்ணோட்டத்தில் தெரிவித்துள்ளது.

இந்நிலையில், இலங்கையில் பொருளாதாரம் மீண்டாலும், மக்களின் வாழ்க்கைச் சுமை தொடர்வதாக சர்வதேச ஊடகம் ஒன்று செய்தி வெளியிட்டுள்ளது.

மக்களைத் தொடர்ந்து அழுத்தத்திற்கு

பொருளாதார நெருக்கடியிலிருந்து நாடுகள் மீண்டு வருவதாகக் கூறப்பட்டாலும், உணவுப் பொருட்களின் விலை உயர்வு, குடும்பச் செலவுகள், வருமானப் பற்றாக்குறை மற்றும் வாழ்க்கைத் தரத்தில் ஏற்பட்டுள்ள பாதிப்புகள் மக்களைத் தொடர்ந்து அழுத்தத்திற்கு உள்ளாக்கி வருகின்றன.

இலங்கை மக்களிடையே அதிகரிக்கும் வறுமை - அறிக்கையில் வெளியான அதிர்ச்சி தகவல் | Sri Lanka Economic Crisis Solutions And Recovery

இலங்கையைப் பொறுத்தவரையில், பொருளாதார நெருக்கடியும் கடன் செலுத்த முடியாத நிலையும் தணிந்திருந்தாலும், வறுமை நிலை இன்னும் நெருக்கடிக்கு முந்தைய காலகட்டத்தின் அளவை விட அதிகமாகவே இருப்பதாக அந்த அறிக்கை தெரிவிக்கிறது.

இலங்கை பொருளாதார நெருக்கடியிலிருந்து மீண்டு விட்டதாகக் கூறப்பட்டாலும், சாதாரண மக்களின் அன்றாட வாழ்க்கையில் அந்த மாற்றம் முழுமையாக உணரப்படவில்லை என அந்த அறிக்கையில் கூறப்பட்டுள்ளது.

பொருளாதாரச் சீர்திருத்தங்கள் முதலீட்டாளர்களின் நம்பிக்கையை மீட்டெடுக்கவும் அரச நிதிநிலையைச் சீரமைக்கவும் உதவியுள்ளன. இருப்பினும், அதன் நன்மைகள் சாதாரண மக்களைச் சென்றடைவதில் இடைவெளி காணப்படுவதாகப் பொருளாதார ஆய்வாளர்கள் சுட்டிக்காட்டுகின்றனர்.