தமிழ் மக்களுக்கான கடமைகளை செய்ய தவறும் சிறிலங்கா : முன்னாள் எம்.பி சுட்டிக்காட்டு
கடனில் தங்கியுள்ள சிறிலங்கா அரசு, தமிழ் மக்களுக்கான கடமைகளை செய்ய தவறுவதாக, தமிழ் தேசிய கூட்டமைப்பின் முன்னாள் நாடாளுமன்ற உறுப்பினர் சிறிநேசன் வலியுறுத்தியுள்ளார்.
சிறிலங்கா அரசின் உள்நாட்டு பெறிமுறையில் நம்பிக்கை இழந்து காணப்படும் மக்களுக்கான நீதியை, சர்வதேசம் வழங்க முன்வர வேண்டும் என மட்டக்களப்பு மாதவன, மயிலத்தமடு பண்ணையாளர்களின், இரண்டாவது நாள் , சுழற்சி முறையிலான உணவு தவிர்ப்பு போராட்டத்தில் கலந்து கொண்டு, சிறிநேசன் வேண்டுகோள் விடுத்துள்ளார்.
சுழற்சி முறையிலான போராட்டம்
மட்டக்களப்பு மாதவன, மயிலத்தமடு பண்ணையாளர்கள் தங்களது மேய்ச்சல் தரைகளை மீட்டுத் தருமாறு கோரி சுழற்சி முறையிலான உணவு தவிர்ப்பு போராட்டம் இன்று இரண்டாவது நாளாகவும் முன்னெடுக்கப்பட்டது.
மட்டக்களப்பு சித்தாண்டி பாடசாலைக்கு முன்பாக குறித்த எதிர்ப்பு போராட்டம் இடம்பெற்று வருகின்றது.
மட்டக்களப்பு மயிலத்தமடு மாதவன, பகுதியிலுள்ள மேச்சல் தரையில் சிங்கள மக்கள் அத்துமீறி பயிற்ச் செய்கையில் ஈடுபட்டு வருவதனால் பண்ணையாளர்களுக்கும் அவர்களுக்கும் இடையில் தொடர்ந்தும் முரண்பாடுகள் காணப்படுகின்றன.
இதற்கு தீர்வை பெற்றுத்தருமாறு அவர்கள் கோரிய போதிலும் அதிகாரிகள் எந்தவொரு தீர்வையும் வழங்கவில்லை.
மேய்ச்சல் தரை மீட்பு
இதனையடுத்து மேய்ச்சல் தரையை மீட்டுத் தருமாறு கூறி சுழற்சி முறையிலான உணவுத்தவிர்ப்பு போராட்டம் முன்னெடுக்கப்பட்டு வருகின்றது.
இன்றைய இரண்டாம் நாள் போராட்டத்தில் தமிழ் நடாளுமன்ற உறுப்பினர்கள் பொது மக்களும் கலந்து தமது ஆதரவை வழங்கியுள்ளனர்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
