ஆண்டின் முதல் ஆறு மாதங்களில் இறக்குமதி செய்யப்பட்ட வாகனங்கள்: வெளியான தகவல்

Sri Lanka Sri Lanka Customs vehicle imports sri lanka

By Shalini Balachandran Sep 03, 2026 08:46 AM GMT

Shalini Balachandran

in சமூகம்

Report

2026 ஆம் ஆண்டின் முதல் ஆறு மாதங்களில் இலங்கை 316,000 வாகனங்களை இறக்குமதி செய்துள்ளதாகவும் இதன் மூலம் 512.547 பில்லியன் ரூபா வரி வருமானமாகப் பெறப்பட்டுள்ளதாகவும் தெரிவிக்கப்பட்டுள்ளது.

குறித்த விடயத்தை இலங்கை சுங்க அதிகாரிகள் தெரிவித்துள்ளனர்.

வழிமுறைகள் பற்றிய நாடாளுமன்றக் குழு கூட்டத்தின் போது இலங்கை சுங்கத் திணைக்களத்தின் செயற்பாடுகள் மற்றும் வருமானக் செயல்திறன் தொடர்பில் மீளாய்வு செய்யப்பட்ட போதே இந்தத் தகவல்கள் வெளிப்படுத்தப்பட்டுள்ளன.

வாகன இறக்குமதி

வாகன இறக்குமதி மூலம் ஈட்டப்பட்ட மொத்த வரி வருமானத்தில் மோட்டார் வாகனங்களின் இறக்குமதி மூலம் அதிகபட்ச பங்காக 386.726 பில்லியன் ரூபா கிடைத்துள்ளது.

ஆண்டின் முதல் ஆறு மாதங்களில் இறக்குமதி செய்யப்பட்ட வாகனங்கள்: வெளியான தகவல் | Sri Lanka Import Vehicle Government Ann

அத்தோடு 1,000cc இற்கு குறைவான எஞ்சின் கொள்ளளவு கொண்ட பெட்ரோல் கார்கள் அதிக வருமானத்தை ஈட்டித் தந்த பிரிவாக உருவெடுத்துள்ளன.

இதன் மூலம் சுங்கத்திற்கு 137.4 பில்லியன் ரூபா வருமானம் கிடைத்துள்ளதுடன் இது மொத்த சுங்க வருமானத்தில் 9.96 வீதம் ஆகும்.

கொள்கலன்களின் பரிசோதனை

2026 ஜூன் 30 ஆம் திகதியளவில் இலங்கை சுங்கம் 1.379 டிரில்லியன் ரூபா மொத்த வருமானத்தைப் பதிவு செய்துள்ளது.

இக்காலப்பகுதியில் எதிர்பார்க்கப்பட்ட 1.061 டிரில்லியன் ரூபா இலக்குடன் ஒப்பிடுகையில் இது 130 வீதம் சாதனை என தெரிவிக்கப்பட்டுள்ளது.

சுங்க வருமானம் ஆண்டு முழுவதும் மாதாந்த இலக்குகளை விஞ்சியுள்ளதுடன் 2025 ஆம் ஆண்டின் ஒத்த மாதங்களுடன் ஒப்பிடுகையில் அதிக வருமானத்தைப் பதிவு செய்துள்ளதாக அதிகாரிகள் தெரிவித்துள்ளனர்.

இறக்குமதி செய்யப்படும் கொள்கலன்களின் பரிசோதனை, சுங்கச் செயல்பாடுகளை மேம்படுத்த நவீன தொழில்நுட்பத்தை அறிமுகப்படுத்துதல், வருமான நிர்வாகத்தில் உள்ள சவால்கள் மற்றும் திறனை அதிகரிப்பதற்கான எதிர்காலத் திட்டங்கள் குறித்தும் இக்கூட்டத்தில் விவாதிக்கப்பட்டமை குறிப்பிடத்தக்கது.