தக்க தருணத்தை பயன்படுத்திக் கொள்ளுமா தமிழர் தரப்பு?
sri lanka
political
crisis
MK Sivajilingam
By Vanan
தற்போது கிடைத்துள்ள சரியான தருணத்தை தமிழர் தரப்பு சிறப்பாக பயன்படுத்திக்கொள்ள வேண்டும் என தமிழ் தேசியக் கட்சியின் செயலாளர் நாயகம் எம்.கே.சிவாஜிலிங்கம் ( M.K. Sivajilingam) தெரிவித்துள்ளார்.
நாடாளுமன்ற உறுப்பினர்களில் 113 பேரின் ஆதரவுடன் பெரும்பான்மையை நிரூபிக்கும் எந்தத் தரப்புக்கும் அரசாங்கத்தை கையளிக்க தயார் என அரச தலைவர் கோட்டாபய ராஜபக்ச அறிவித்துள்ள நிலையில், அவர் இதனைத் தெரிவித்துள்ளார்.
யாழ்ப்பாணம் - வல்வெட்டித்துறையில் உள்ள அவரது அலுவலகத்தில் இன்று(5) இடம்பெற்ற ஊடக சந்திப்பில் அவர் இவ்வாறு கூறினார்.
வடக்கு கிழக்கில் இடைக்கால நிர்வாகத்தை உருவாக்க வேண்டும் என்ற கோரிக்கையை தமிழ் கட்சிகள் முன்வைக்க வேண்டும் எனவும் அவர் வலியுறுத்தியுள்ளார்.