இந்தியா பயணமாகும் ரணில்
சிறிலங்கா அதிபர் ரணில் விக்ரமசிங்க இரண்டு நாள் உத்தியோகபூர்வ விஜயமாக எதிர்வரும் 21ஆம் திகதி இந்தியாவிற்கு பயணிக்கவுள்ளார்.
அங்கு இந்திய பிரதமர் நரேந்திர மோடியை அதிபர் சந்தித்து கலந்துரையாடவுள்ளதாக இந்திய ஊடகங்கள் செய்தி வெளியிட்டுள்ளன.
இதன்போது கடற்றொழில் அமைச்சர் டக்ளஸ் தேவானந்தா, மின்வலு மற்றும் எரிசக்தி அமைச்சர் காஞ்சன விஜேசேகர, வெளிவிவகார அமைச்சர் அலி சப்ரி மற்றும் அதிபர் செயலணியின் பிரதானி சாகல ரத்நாயக்க ஆகியோரும் அதிபரின் இந்திய விஜயத்தில் இணைந்து கொள்ளவுள்ளதாக குறிப்பிடப்படுகின்றது.
இருதரப்புக் கலந்துரையாடல்
இந்த விஜயத்தின் போது பல துறைகள் தொடர்பாக இரு நாடுகளுக்கும் இடையில் இருதரப்பு கலந்துரையாடல்களும் இடம்பெறவுள்ளதாக இந்திய ஊடகங்கள் மேலும் செய்தி வெளியிட்டுள்ளன.
ரணில் விக்ரமசிங்க அதிபராகப் பதவியேற்றதன் பின்னர் இந்தியாவிற்கு விஜயம் செய்வது இதுவே முதல் தடவை என்பதும் விசேட அம்சமாகும்.
இதற்கிடையில், இந்திய வெளியுறவு செயலாளர் வினய் மோகன் குவாத்ரா இந்த வாரம் சிறிலங்காவிற்கு விஜயம் செய்ய திட்டமிட்டுள்ளார்.
அதிபர் ரணில் விக்ரமசிங்கவின் இந்திய விஜயத்திற்கு தேவையான ஏற்பாடுகளை மேற்கொள்வதற்காக இந்திய வெளியுறவு செயலாளர் சிறிலங்காவிற்கு விஜயம் செய்யவுள்ளதாக இந்திய ஊடகங்கள் செய்தி வெளியிட்டுள்ளன.
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
புங்குடுதீவு 1ம் வட்டாரம், புங்குடுதீவு 2ம் வட்டாரம், கொக்குவில் கிழக்கு
17 Oct, 2024
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021