இலங்கையின் வேலையின்மை விகிதத்தில் வீழ்ச்சி : வெளியான தகவல்

Sri Lanka Sri Lankan Peoples Job Opportunity

By Sathangani Jul 05, 2026 04:44 AM GMT

Sathangani

in சமூகம்

Report

இலங்கையின் வேலையின்மை விகிதம் 2026 ஆம் ஆண்டின் முதலாவது காலாண்டில் 3.7 சதவீதமாகச் சற்று வீழ்ச்சியடைந்துள்ளதாக தகவல் வெளியாகியுள்ளது.

தொகைமதிப்பு மற்றும் புள்ளிவிபரத் திணைக்களம் வெளியிட்டுள்ள புதிய தொழிலாளர் சக்தி கணக்கெடுப்பில் இந்த விடயம் தெரிவிக்கப்பட்டுள்ளது.

கடந்த 2025 ஆம் ஆண்டின் இதே காலாண்டில் இந்த விகிதம் 3.8 சதவீதமாகக் காணப்பட்டதாகவும் சுட்டிக்காட்டப்பட்டுள்ளது.

இலங்கையின் மொத்த தொழிலாளர்

அத்துடன் நாட்டின் ஒட்டுமொத்த தொழிலாளர் பங்களிப்பு விகிதம் கடந்த ஆண்டின் இதே காலப்பகுதியுடன் ஒப்பிடுகையில் 49.7 சதவீதத்திலிருந்து 49.2 சதவீதமாகக் குறைந்துள்ளது.

இலங்கையின் வேலையின்மை விகிதத்தில் வீழ்ச்சி : வெளியான தகவல் | Sri Lanka S Unemployment Rate Drops In 2026

இந்தக் கணக்கெடுப்பின்படி, இலங்கையின் மொத்த தொழிலாளர் எண்ணிக்கை 8.41 மில்லியனாக மதிப்பிடப்பட்டுள்ளதுடன், இதில் 5.40 மில்லியன் ஆண்களும், 3.01 மில்லியன் பெண்களும் அடங்குவதாக தெரிவிக்கப்படுகின்றது.

அதேநேரம், பொருளாதார ரீதியாகச் செயலற்ற மக்கள் தொகை 8.67 மில்லியனாக உள்ளதோடு, அவர்களில் 72.2 சதவீமானோர் பெண்கள் என்பது குறிப்பிடத்தக்கது.

கல்வி கற்ற பெண்கள்

மேலும், ஆண்களின் தொழிலாளர் பங்களிப்பு விகிதம் 70.1 சதவீதத்திலிருந்து 69.1 ஆகக் குறைந்துள்ள அதேவேளை, பெண்களின் பங்களிப்பு 32 சதவீதத்திலிருந்து 32.5 ஆகச் சற்று அதிகரித்துள்ளது.

நாட்டில் வேலைவாய்ப்பற்றோரின் மொத்த எண்ணிக்கை 311,495 ஆக மதிப்பிடப்பட்டுள்ள நிலையில் இதில் பெண்களின் வேலையின்மை விகிதம் 6.1 சதவீதமாக பதிவாகியுள்ளதுடன், இது ஆண்களின் வேலையின்மை விகிதத்தை விட இரண்டு மடங்குக்கும் அதிகமானதாகும் என குறிப்பிடப்பட்டுள்ளது.

அதேநேரம், நாட்டில் கல்வி கற்ற ஆண்களை விட, கல்வி கற்ற பெண்களே அதிகளவில் வேலைவாய்ப்பின்மையால் பாதிக்கப்பட்டுள்ளதாகத் தொகைமதிப்பு மற்றும் புள்ளிவிபரத் திணைக்களம் சுட்டிக்காட்டியுள்ளமை குறிப்பிடத்தக்கது.