சிறிலங்கன் எயார்லைன்ஸ் விமான சேவையின் மறுசீரமைப்பு விடயத்தில் ஏற்பட்டுள்ள சிக்கல்
சிறிலங்கன் எயார்லைன்ஸ் விமான சேவையின் மறுசீரமைப்பு தொடர்பான முன்மொழிவுகள் திறைசேரியால் இதுவரை சமர்ப்பிக்கப்படவில்லை எனத் தெரிவிக்கப்படுகிறது.
இதன் காரணமாக, மறுசீரமைப்புக்கான லட்சியங்களுக்கு அழைப்பு விடுப்பது சிக்கலாக மாறியுள்ளதாக துறைமுகங்கள், கப்பல் போக்குவரத்து மற்றும் சிவில் விமானப் போக்குவரத்து அமைச்சக வட்டாரங்கள் தெரிவிக்கின்றன.
மேலும், சிறிலங்கன் எயார்லைன்ஸ் தொடர்பில் இதுவரை எந்தவொரு முதலீட்டாளரும் முன்வரவில்லை என அமைச்சின் சிரேஷ்ட அதிகாரி ஒருவர் குறிப்பிட்டுள்ளார்.
சிறிலங்கன் எயார்லைன்ஸ் மறுசீரமைப்பு
இதேவேளை, சிறிலங்கன் எயார்லைன்ஸ் மறுசீரமைப்புக்காக இம்மாத இறுதிக்குள் அழைப்பு விடுக்க எதிர்பார்த்துள்ளதாக துறைமுகங்கள், கப்பல் போக்குவரத்து மற்றும் விமானப் போக்குவரத்து அமைச்சர் நிமல் சிறிபால டி சில்வா கடந்த 5ஆம் திகதி நாடாளுமன்றத்தில் தெரிவித்துள்ளார்.
மேலும், இப்பணிகள் பெப்ரவரி மாதம் நிறைவடையும் என எதிர்பார்க்கப்படுவதாக அமைச்சர் தெரிவித்தார்.
அத்தோடு, யார் என்ன சொன்னாலும் தன்னால் இயன்ற அனைத்தையும் செய்துள்ளேன் என்று கூறிய அமைச்சர், விமான சேவையை உயரிய இடத்திற்கு உயர்த்த வேண்டும் என்பதே தனது நம்பிக்கை என்றும் சுட்டிக்காட்டியுள்ளார்.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
